पुणे : नेमून दिलेल्या कार्यक्षेत्रामध्ये पेट्रोलिंग करीत असलेल्या पोलिसांना आता थर्ड आय इनहॅंन्सिग पोलिसिंग प्रिव्हींटिंग क्राइम्स युझिंग डिजिटल टेक्‍नॉलॉजी याच्या माध्यमातून क्‍यूआर पेट्रोलिंग ऍपद्वारे महत्त्वाच्या व संवेदनशील ठिकाणी क्‍यूआर कोड स्कॅन करून हजेरी लावता येणार आहे.

ताज्या बातम्यांसाठी डाऊनलोड करा ई-सकाळचे ऍप

पेट्रोलिंगकरिता नेमलेले कर्मचारी व त्यांना नेमून दिलेल्या कार्यक्षेत्रामध्ये पेट्रोलिंग करीत. त्या वेळी त्यांना यापूर्वी तेथील रजिस्टरमध्ये स्वाक्षरी करून त्यांना आपली उपस्थिती दर्शवावी लागत होती. पुणे पोलिसांच्या संकल्पनेतून पोलिस आयुक्तालयाच्या कार्यक्षेत्रामध्ये आतापर्यंत वाहतूक शाखेकडून 449, दामिनी मार्शलकडून 470, पोलिस स्टेशनकडून दोन हजार 962 असे एकूण तीन हजार 881 क्‍यूआर कोड महत्त्वाच्या व संवेदनशील ठिकाणी कार्यान्वित करण्यात आले आहेत. शहरात लावलेले हे क्‍यूआर कोड दामिनी मार्शल, वाहतूक शाखेकडील कर्मचारी व पोलिस स्टेशनमधील कर्मचाऱ्यांकडून स्कॅन केले जातात. दामिनी पथकाकडून स्कॅन करण्यात आलेल्या क्‍यूआर कोडचे स्कॅनिंग गुन्हे शाखेकडून, पोलिस ठाण्याच्या कर्मचाऱ्यांकडून स्कॅन करण्यात आलेल्या क्‍यूआर कोडचे संबंधित पोलिस ठाण्याकडून करण्यात येते.

मुख्यमंत्र्यांनी घेतली गृहमंत्री अमित शहा यांची भेट

पोलिस ठाण्याचे प्रभारी अधिकारी; तसेच पेट्रोलिंग कर्मचारी हे क्‍यूआर कोड लावलेल्या ठिकाणी गेल्यानंतर त्यांची लगेच थर्डआय प्रणालीमध्ये स्वयंचलित नोंद केली जाते; तसेच वरिष्ठ अधिकाऱ्यांना त्याबाबतचा अहवाल दिला जातो. पोलिस ठाण्याचे प्रभारी अधिकारी हे त्यांच्या स्तरावर पेट्रोलिंग करताना त्यांना प्राधान्याने ज्या ठिकाणी भेट द्यायची आहे ते ठिकाण व क्‍यूआर कोड स्कॅन करण्याचे ठिकाण, वेळेबाबत नियोजन करणे शक्‍य होते.