पुणे - तुमची महाविद्यालयीन परीक्षा येत्या काही दिवसांत ऑनलाइनद्वारे होणार आहे का?, त्यासाठी सराव आवश्‍यक आहे. त्यासाठी महाराष्ट्र ज्ञान महामंडळ मर्यादित अर्थात ‘एमकेसीएल’ने विद्यापीठाच्या अभिरूप (मॉक) ऑनलाईन परीक्षेची विनामूल्य सराव सुविधा उपलब्ध करून दिली आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

विद्यार्थ्यांच्या सुरक्षिततेसाठी विद्यापीठांच्या अंतिम वर्षाच्या परीक्षा ऑक्‍टोबर महिन्यात बहुपर्यायी-वस्तुनिष्ठ प्रश्नांच्या स्वरुपात (एमसीक्‍यू) संगणक किंवा स्मार्टफोनवर ऑनलाईन पद्धतीने घरच्या घरी घेण्याचे धोरण सर्वसाधारणपणे निश्‍चित झाले आहे. परंतु बऱ्याच विद्यार्थ्यांना संगणक किंवा स्मार्टफोनवरील ऑनलाईन परीक्षांचा व बहुपर्यायी-वस्तुनिष्ठ प्रश्न त्यावर सोडविण्याचा पूर्वानुभव नाही. त्यामुळे ते परीक्षेतील गुण आणि यश याबाबत साहजिकच चिंतित आहेत. अशा सर्व विद्यार्थ्यांच्या मदतीसाठी विनामूल्य ‘अभिरूप (मॉक) ऑनलाईन सराव परीक्षे’ची परीक्षेची सुविधा mockexams.mkcl.org या संकेतस्थळावर उपलब्ध करून देण्यात आली आहे. याद्वारे गेल्या तीन दिवसात राज्यातील २६,००० विद्यार्थ्यांनी या सुविधेचा लाभ घेतला आहे.

तर एक नोव्हेंबरपासून मराठा समाज रस्त्यावर उतरेल; विनायक मेटे यांचा इशारा

इच्छुक विद्यार्थी संगणक किंवा स्मार्टफोनद्वारे या संकेतस्थळावर आपली माहिती देऊन नोंदणी करू शकतात व त्याद्वारे मिळालेल्या लॉगीन व पासवर्डचा वापर करून कितीही वेळा ऑनलाईन परीक्षेचा सराव करू शकतात. ही विनामूल्य सराव सुविधा ३१ ऑक्‍टोबर २०२० पर्यंत उपलब्ध असेल, अशी माहिती एमकेसीएल नॉलेज फाउंडेशनचे चीफ ऑपरेटिंग ऑफिसर उदय पंचपोर यांनी दिली आहे.

विद्यार्थ्यांसाठी अत्यंत महत्त्वाची बातमी; अंतिम वर्ष परीक्षेचं वेळापत्रक झालं जाहीर!

विद्यापीठांचे विषयनिहाय सराव प्रश्नसंच सार्वजनिक आखत्यारीत (पब्लिक डोमेनमध्ये) पुनर्वितरणासाठी उपलब्ध झाल्यास ते सुद्धा विद्यार्थ्यांच्या लॉगीनमध्ये वेळोवेळी उपलब्ध करून देण्याचा प्रयत्न केला जाईल व विद्यार्थ्यांना त्यांचाही सराव करता येईल. या संकेतस्थळावर परीक्षेसाठी केवळ सराव सुविधा उपलब्ध असून कोणत्याही विद्यापीठाची औपचारिक अंतिम परीक्षा घेतली जाणार नाही याची विद्यार्थ्यांनी नोंद घ्यावी.
- उदय पंचपोर, चीफ ऑपरेटिंग ऑफिसर, एमकेसीएल नॉलेज फाउंडेशन

Edited By - Prashant Patil