पुणे : मराठा आरक्षणासाठी येत्या 10 ऑक्टोबरला राज्यात कडकडीत बंद पुकारण्यात येत आहे. त्या बंदला वंचित बहुजन आघाडीने पाठिंबा जाहीर केलाय. हा पाठिंबा जाहीर करताना, आघाडीचे प्रमुख ऍड. प्रकाश आंबेडकर यांनी खासदार संभाजीराजे छत्रपती आणि खासदार उदयनराजे भोसले यांच्यावर टीका केली. या टीकेचा मराठा आरक्षण संघर्ष समितीकडून निषेध करण्यात आलाय.
प्रकाश आंबेडकरांचे मूळ वक्तव्य वाचण्यासाठी येथे क्लिक करा
काय म्हणाले ऍड. आंबेडकर
पुण्यात घेतलेल्या पत्रकार परिषदेत ऍड. प्रकाश आंबेडकर यांनी खासदार संभाजीराजे यांच्या भूमिकेवर टीका करताना, 'संभाजीराजे इतर मुद्द्यांकडे लक्ष वळवत आहेत', असे मत व्यक्त केले. तसेच एक राजा बिनडोक आहे', अशी जहरी टीकाही केली होती. त्यावेळी त्यांनी कोणाच्या नावाचा उल्लेख केला नाही. परंतु, त्यांच्या या विधानावरून, सोशल मीडियावर रान उठायला सुरुवात झाली होती. मराठा आरक्षण संघर्ष समितीने ऍड. आंबेडकर यांच्या विधानाचा निषेध केलाय.
पुण्याच्या बातम्या वाचण्यासाठी येथे क्लिक करा
समितीकडून निषेध
या संदर्भात मराठा आरक्षण संघर्ष समितीचे सुरेश पाटील यांनी एका मराठी वृत्तवाहिनीशी संवाद साधला. त्यात त्यांनी ऍड. आंबेडकर यांच्या विधानाचा निषेध केलाय. त्याचवेळी वंचित बहुनज आघाडीने बंदला पाठिंबा दिल्याबद्दल त्यांनी स्वागतही केलंय. मराठा समाजातील सर्व नेत्यांनी एकत्र येणं गरजेचं आहे, असं मतही सुरेश पाटील यांनी व्यक्त केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.