पुणे : महाराष्ट्र प्रांतिक तैलिक महासभा पुणे शहर यांच्यावतिने लोकसभा निवडणुकीच्या पार्श्वभूमीवर, पुणे लोकसभेचे भाजप महायुतीचे उमेदवार मुरलीधर मोहोळ यांना पाठिंबा देण्यात आला आहे. भाजप ओबीसी मोर्चा पुणे शहराध्यक्ष नामदेव माळवदे यांच्या उपस्थितीत पुणे येथे पदाधिकाऱ्यांच्या वतिने मोहोळ यांना पाठिंब्याचे पत्र देण्यात आले.

खासदार रामदास तडस यांच्या अध्यक्षतेखाली ही संघटना कार्यरत असून, डॉ. भूषण कर्डिले हे संघटनेचे महासचिव आहेत. पुणे शहर तसेच परिसरात तेली समाजाची एक लाखाहून अधिक लोकसंख्या आहे. समाजाचे मतदान निर्णायक असल्याने, समाजाच्या उन्नतीसाठी तसेच प्रगतीकरिता हा पाठिंबा जाहीर करत असल्याचे मत शहर सचिव जीवन येवले यांनी व्यक्त केले.

या वेळी प्रदिप क्षीरसागर, प्रकाश कर्डीले, कृष्णा भादेकर, नीलम घाटकर, अश्विनी चिंचकर, शंकर नवपुते, हनुमंत फल्ले, ज्ञानेश्वर देवमाने, विजय भोज, रमेश भोज, विजय हाडके आदी उपस्थित होते.