पुणे : शहरात आज सायंकाळी साडेपाचच्या दरम्यान पावसाने जोरदार हजेरी लावली. गेल्या काही दिवसांपासून शहरात पावसाने उघडीप घेतली होती. त्यामुळे शहरात उकाडाही जाणवू लागला होता. दरम्यान शनिवारी पुन्हा पावसाने हजेरी लावत सोसाट्याचे वारे वाहत आहे. त्यामुळे वातावरणात गारवा पसरला आहे. काही ठिकाणी विजांच्या कडकडाटसह पावसाच्या जोरदार सरी पडताहेत.  

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

रविवारी (ता. 6) सुद्धा शहरात मेघगर्जनांसह मध्यम स्वरूपाचा पाऊस पडणार असल्याचा अंदाज हवामान खात्याने दिला आहे. गेल्या दोन दिवसांनपासून पुण्यातील कमात तापमानात वाढ होत असतानाची नोंद झाली. त्यामुळे उकाडाही पुणेकरांना अनुभवावा लागला. तर शनिवारी सकाळपासूनच हवामान कोरडे होते व उन्हाचे चटके जाणवत होते. मात्र सायंकाळी
अचानक पावसाला सुरूवात झाली आणि शहरात पावसाच्या जोरदार सरी पडल्या. त्यामुळे पावसाचा अंदाज न घेता बाहेर पडलेल्या नागरिकांची तारांबळ उडाली.

पुणे जिल्ह्यातील ग्रामीण नागरिकांना बेडअभावी मिळेनात वेळेत उपचार

मात्र दोन दिवसांपासूनच्या उकाड्यातून काही काळ नागरिकांना मुक्ती मिळाली आहे. दरम्यान रविवारी सुद्धा शहरात मध्यम सरींचा अंदाज व घाट विभागातील तुरळक ठिकाणी मुसळधार पाऊस पडण्याची शक्‍यता हवामान खात्याने वर्तवली आहे. येत्या शुक्रवारपर्यंत (ता. 11) शहरात हलक्‍या ते मध्यम स्वरूपाच्या सरींचा ईशारा हवामान खात्याने वर्तविला आहे. त्यामुळे नागरिकांनी घराबाहेर पडताना काळजी घ्यावी.

वारजे कर्वेनगर भागात मुसळधार पाऊस...

सातारा रस्ता, स्वारगेट, महर्षीनगर सॅलिसबरी पार्क, गुलटेकडी परिसरात पंधरा मिनिटे जोरदार पाऊस पडला. सध्या पाऊस थांबला असून काही वेळासाठी पडलेल्या पावसामुळे सदर परिसर जलमय झाला आहे.

औंध, औंध रस्ता, बाणेर रस्ता, पाषाण, पंचवटी, महाळुंगे, सुतारवाडी परिसरात जोरदार पाऊस सुरू आहे.

सिंहगड रस्ता परिसरात गेल्या एका तासापासून हा पाऊस सुरू आहे.

वडगाव, धायरी, नऱ्हे परिसरात जोरदार पाऊस असून वाहतूक कोंडी झाली.

कोथरूड, पौडरस्ता भागात जोरदार पाऊस. सागर काॅलनी नाला, सुतारदरा नाल्यांची पाणी पातळी वाढली