मंचर : पोलिस असल्याचे सांगून मोटारसायकलची झडती घेऊन ५३ वर्षाच्या शेतकऱ्याच्या गळ्यातील एक लाख 71 हजार रुपयांची सोन्याची चैन चोरट्याने लांबविली. मंचर (ता. आंबेगाव) येथे मंगळवारी भरदिवसा साडेअकराच्या सुमारास सदर घटना घडली.

भेसळीचा संशय आल्याने तब्बल ९ लाखाचा तूप साठा जप्त   

मंचर-पिंपळगाव रस्त्यावरील तृप्ती हॉस्पिटलजवळ बाळासाहेब गोपाळा अरगडे व दत्तात्रेय बांगर (रा. खडकी-पिंपळगाव ता. आंबेगाव) हे दोघेजण हॉस्पिटलमध्ये उपचार घेत असलेल्या मित्राला भेटून पिंपळगावकडे मोटार सायकलवरून निघाले होते. त्यावेळी हा चोरटा तेथे आला. शिंदे यांचे कपड्याचे दुकान कोठे आहे”? असे त्यांने विचारल्यामुळे अरगडे यांनी मोटरसायकल थांबवली. “मी पोलिस आहे. गांजा विकणारे दोन आरोपी पकडले आहेत. दोन जण फरारी आहेत. फरारी तुमच्या सारखेच दिसत आहेत. तपासणी सुरू आहे. तुमच्या गाडीची कागदपत्रे व लायसन्स दाखवा.

त्यामुळे गोंधळून गेलेले अरगडे म्हणाले, ''मित्राला दवाखान्यात भेटण्यासाठी घाईगडबडीत आलो. लायसन्स व कागदपत्रे घरीच विसरले आहेत.'' चोरटा म्हणाला, ''तुमच्याकडे कागदपत्रे नाहीत, याचा अर्थ तुमची गाडी चोरीची आहे असे वाटते. तुम्ही मोटरसायकल पोलिस ठाण्यात घ्या असे म्हणत. त्याने अरगडे , बांगर व मोटरसायकलची झडती घेतली. अरगडे यांच्या गळ्यातील ३१.९९० ग्रॅम वजनाची सोन्याची चैन काढून अरगडे यांच्या रुमालात ठेवली. ''तुमच्या घरी चला, गाडीची कागदपत्रे तपासायची आहेत. असे म्हणत त्याने मंचर शहराकडे धूम ठोकली.

डॉक्‍टर तरुणाला ३० लाख १० हजारांचा ऑनलाइन घातला गंडा

त्यावेळी रुमालात चैन नव्हती. आपली फसवणूक झाल्याचे लक्षात आल्यानंतर अरगडे व बांगर यांनी चोरट्याचा पाठलाग केला. पण त्याचा शोध लागला नाही. मंचर पोलिस ठाण्यात अरगडे यांनी फिर्याद दिली आहे. पोलिसांनी गुन्हा दाखल केला आहे.

भेसळीचा संशय आल्याने तब्बल ९ लाखाचा तूप साठा जप्त   

अनोळखी व्यक्तीशी बोलू नका. आपला परिचय व वस्तू त्यांना देऊ नका. ताबडतोब पोलिस ठाण्याशी व १००  क्रमांकावर फोन करून संपर्क साधावा. चोरट्याचा शोध घेण्याचे काम पोलिस करत आहेत.-अर्जुन शिंदे ,पोलिस उपनिरीक्षक मंचर

(संपादन : सागर डी. शेलार)