पुणे : ‘ब्रिक्स’ देशांच्या उपक्रमांतर्गत रशिया सरकारने आयोजित केलेल्या “न्यू जनरेशन यूथ लीडरशीप” या परिषदेसाठी सावित्रीबाई फुले पुणे विद्यापीठाच्या विधी विभागातील सहायक प्राध्यापक विक्रमादित्य राठोड यांची निवड झाली आहे. ही परिषद ९ जूनपर्यंत सुरू राहणार आहे.

या परिषदेत राठोड हे भारतीय संस्कृती आणि भारतीय मुत्सद्देगिरी या विषयावर मांडणी करणार आहेत. या व्यतिरिक्त तिथे होणाऱ्या महत्वाच्या चर्चासत्रात देखील सहभागी होणार आहेत. रशियाच्या मोस्को आणि स्टारवपोल या शहरात होणाऱ्या या परिषदेसाठी जगभरातील २५०० प्रतिनिधी सहभागी होणार आहेत. त्यांची निवड प्रक्रिया गेल्या तीन महिन्यांपासून सुरू होती. त्यात भारतातून केवळ चौघांची निवड झाली असून, त्यात राठोड यांचा समावेश आहे. राठोड यांचे प्राथमिक शिक्षण राजस्थानमधील बारमेर येथे झाले. त्यांनी दिल्ली
 

विद्यापीठातून आणि सावित्रीबाई फुले पुणे विद्यापीठातून उच्च शिक्षण पूर्ण केले. सध्या ते सावित्रीबाई फुले पुणे विद्यापीठाच्या विधी विभागात सहायक प्राध्यापक या पदावर कार्यरत आहेत.