पिंपरी : मागील दहा वर्षांपासून प्रलंबित राहिलेल्या हिंदुस्थान एंटिबायोटिक्‍स कंपनी (एचए)च्या सुमारे 300 सेवानिवृत्त कर्मचाऱ्यांची थकीत देणी देण्याबाबत व्यवस्थापनाने केंद्र सरकारकडे प्रस्ताव पाठविला आहे. या कर्मचाऱ्यांची विविध प्रकारची एकूण सुमारे 50 कोटी रुपयांपर्यंतची रक्कम थकीत आहे. 

ताज्या बातम्यांसाठी डाऊनलोड करा ई-सकाळचे ऍप
केंद्र सरकारने एचए कंपनीसाठी 2016 मध्ये 100 कोटी रुपये, 2020 मध्ये 280 कोटी रुपयांची मदत दिली आहे. मात्र, असे असतानाही 2009 पासून आजतागायत सेवानिवृत्त झालेल्या सुमारे 300 कर्मचाऱ्यांचे ग्रॅच्युएटी, रजा रोखीकरण आदी निवृत्ती पश्‍चातचे लाभ कंपनीने अदा केले नाहीत. थकीत रकमा न मिळताच यापैकी, अनेक सेवानिवृत्त कर्मचाऱ्यांचे निधन झाले आहे. तसेच जे हयात आहेत ते विपन्नावस्थेत जगत आहेत. त्यांच्याकडे उदरनिर्वाहाचे इतर कोणतेही आर्थिक स्त्रोत उपलब्ध नाहीत. त्यामुळे, स्वेच्छानिवृत्तीधारक कर्मचाऱ्यांप्रमाणेच सेवानिवृत्तीधारक कर्मचाऱ्यांचीही देणी दिली जावीत, अशी मागणी एच.ए.निवृत्त कर्मचारी संघटनेने केली होती. 

आझम खान यांना न्यायालयाचा दणका! पत्नी आणि मुलासह तुरुंगात
त्या संदर्भात, कंपनीच्या व्यवस्थापकीय संचालिका नीरजा सराफ यांच्याशी संपर्क साधला असता त्यांनी सेवानिवृत्त कर्मचाऱ्यांची थकीत देणी देण्याबाबत केंद्र सरकारकडे प्रस्ताव पाठविला आहे. सध्या तो प्रस्ताव सरकारच्या विचाराधीन असल्याचे सांगितले.