पुणे : दुर्गम भागातील विद्यार्थ्यांना उच्च शिक्षण घेता यावे, यासाठी राज्य सरकारने महाविद्यालयांना सॅटेलाईट केंद्र सुरू करण्यासाठी परवानगी दिली जाईल, त्यासाठी प्रस्ताव पाठविण्याचे आवाहन केले होते. मात्र हे केंद्र विनाअनुदानित असल्याने महाविद्यालयांनी या योजनेकडे पाठ फिरवली असून, केवळ १० प्रस्ताव आले आहेत. 

राज्य शासनाने महाविद्यालयापासून दोनशे किलोमीटरच्या परिघात आणि विद्यापीठ कार्यक्षेत्रात सॅटेलाईट केंद्र असावेत, या केंद्राच्या माध्यमातून कौशल्य अभ्यासक्रम, दूरशिक्षण अभ्यासक्रमाच्या दृष्टीने माहिती तंत्रज्ञानाची उपलब्ध करून द्यावी हा उद्देश आहे. त्यासाठी सॅटेलाईट केंद्र सुरू करण्याबाबत विद्यापीठाकडे अर्ज करण्याचे आवाहन महाविद्यालयांना करण्यात आले होते. पुणे विद्यापीठाने यासाठी 30 सप्टेंबर पर्यंत मुदत दिली होती. 

- फिटनेस प्रेमी अजूनही धास्तावलेलेच; जिमचालक आणि नागरिक म्हणतात...​

पुणे विद्यापीठाशी संलग्न महाविद्यालयांची संख्या जास्त असली तरी, सॅटेलाईट केंद्र सुरू करण्यासाठी एकूण दहा महाविद्यालयांकडून प्रस्ताव सादर झाले आहेत. या अर्जांची पडताळणी करून त्यातील त्रुटी दूर केल्या जातील. सुधारीत प्रस्ताव राज्य शासनाकडे पाठवला जाईल, अशी माहिती विद्यापीठातील अधिकाऱ्यांनी दिली.

सॅटेलाईट केंद्र विनाअनुदानित तत्वावर असणार आहेत. शासनाच्या मदतीशिवाय यामध्ये महाविद्यालयांनाच गुंतवणूक करावी लागणार आहे. तसेच महाविद्यालयांना सॅटलाइन केंद्रासाठी सर्वेक्षण, पाच वर्षाचा आढावा, प्रस्तावित अभ्यासक्रम या माहितीसह अर्ज करण्यासाठी वेळ कमी असल्याने महाविद्यालयांना प्रस्ताव सादर करता आला नाही, असेही अधिकार्यांनी सांगितले.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)