इंदापूर - येथे मानवी आरोग्यास अपायकारक असलेल्या व शासनाने बंदी घातलेल्या मांगुर माश्याच्या बेकायदेशीर वाहतुकीवरइंदापूर पोलिसांनी कारवाई केलेल्या वाहन चालक व मालकावर मत्स्य व्यवसाय विकास विभागाच्या वतीने गुन्हा दाखल करण्यात आला.या कारवाई मध्ये मिळून आलेल्या याबाबत 1 हजार 800 किलो मांगुर मासा शास्त्रीय पद्धतीने नष्ट करण्यात आला.

याबाबत मत्स्य व्यवसाय विकास अधिकारी किरण माधवराव वाघमारे यांनी इंदापुर पोलीस स्टेशन येथे दिलेल्या फिर्यादीनुरुप इंदापूर पोलिस स्टेशनचे सहाय्यक पोलिस निरीक्षक नागनाथ पाटील व त्यांच्या पथकाने राजवडी ब्रिज (ता.इंदापुर) येथे एक संशियीत लाल रंगाचा आयशर (क्रं. MH 42 BF 5995) ही गाडी थांबवुन त्या गाडीची पाहणी केली असता त्या गाडी मध्ये मासे असलेचे दिसुन आले म्हणुन सदरची गाडी पुढील चौकशी कामी ताब्यात घेवुन इंदापुर पोलीस स्टेशन येथे लावण्यात आली आहे.

त्यानंतर मत्स्य व्यवसाय पुणे विभागाचे अधिकारी यांनी माशांची पाहणी केली असता त्यामध्ये राष्ट्रीय हरितलवाद नवी दिल्ली यांनी प्रतिंबधीत केलेल्या मांगुर या जातीचे असल्याचे दिसुन आले.त्यानुरूप पंचनामा करण्यात आला.

त्यानंतर आयशेर टेम्पोमध्ये असलेले प्रतिंबधीत मांगुर मासे हे इंदापुर नगरपरीषद हददीतील कचरा डेपो येथे शास्त्रीय पध्दतीने नष्ट करण्यात आला. सदरचा टेपो हा इंदापुर पोलीस यांच्या ताब्यात देत चालक व मालक यांचेविरुदध कायदेशीर तक्रार देण्यात आली. या कारवाई मत्स्य व्यवसाय विकास अधिकारी किरण वाघमारे, बी.एस.पाटील, आर. आर.राठोड, शुभम कोमरेवार यांनी केली.