हडपसर: राष्ट्रवादी महिला काँग्रेसच्या जिल्हाध्यक्षपदी भारती युवराज शेवाळे यांची नियुक्ती करण्यात आली आहे. प्रदेशाध्यक्षा रुपाली चाकणकर यांनी त्यांना नियुक्तीपत्र दिले. खासदार सुप्रिया सुळे, जिल्हाध्यक्ष प्रदीप गारटकर, काका चव्हाण, नगरसेवक सचिन दोडके, जिल्हापरिषद सदस्या अनिता इंगळे, पुजा पारगे, खडकवासला मतदार संघाचे अध्यक्ष त्रिंबक मोकाशी, माजी जिल्हापरिषद सदस्य नवनाथ पारगे आदी यावेळी उपस्थित होते.
भारती शेवाळे यांनी पक्षाची सामान्य कार्यकर्ती म्हणून राजकीय क्षेत्रात काम करण्यास सुरुवात केली. त्यांच्या कार्यक्षमतेमुळे पक्षाने पुढे शेवाळेवाडी महिला राष्ट्रवादी काँग्रेसचे अध्यक्ष म्हणून काम करण्याची संधी दिली. त्यानंतर जिल्हा महिला राष्ट्रवादी काँग्रेसच्या उपाध्यक्षा, प्रदेश महिला राष्ट्रवादी काँग्रेसच्या सरचिटणीस, प्रदेश महिला राष्ट्रवादी काँग्रेसच्या उपाध्यक्षा, पश्चिम महाराष्ट्र महिला राष्ट्रवादी काँग्रेसच्या निरिक्षक आदी पदांवर त्यांनी काम केले आहे.
महात्मा गांधी तंटामुक्त गाव मोहिमेच्या जिल्हा मुख्य प्रचारक, हवेली तालुका यशस्विनी सामाजिक अभियान समन्वयक म्हणूनही त्यांनी काम पाहिले आहे. त्यांच्या या कामाची दखल घेत पक्षाने त्यांना जिल्हा महिलाध्यक्ष पदाची जबाबदारी दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.