माळेगाव : बारामती व वडगाव निंबाळकर पोलिस ठाण्याच्या हद्दीमधील विविध गंभीर गुन्ह्यातील एका फरार सराईत गुन्हेगाराला पकडण्यात पोलिसांना आज यश आले. सुरज उर्फ माऊली सोमनाथ काशीद (रा. मेडद, ता.बारामती) हे अटक केलेल्या गुन्हेगाराचे नाव आहे. बारामती तालुका पोलिस ठाणे, वडगाव निंबाळकर पोलिस स्टेशनच्या हद्दीत आरोपी काशीद याच्याविरुद्ध विविध गुन्हे दाखल होते.
त्यामध्ये धारधार श्त्राच्या सहाय्याने जीवे मारण्याचा प्रयत्न करणे, मारहाण करून जखमी करणे, शिवीगाळ व दमदाटी करणे आदी गंभीर पाच गुन्ह्यांचा समावेश आहे. परंतु गेली चार महिन्यांपासून संबंधित आरोपी काशिद फरार होता. मंगळवार (ता. ५) रोजी रात्रीच्यावेळी आरोपी काशिद हा आपल्या आई-वडीलांना मेडद येथे भेटण्यासाठी येणार असल्याची खबर पोलिस निरिक्षक महेश ढवाण यांना लागली.
त्यानुसार त्यांनी तालुका पोलिस ठाण्यातील गुन्हे शोध पथकाकडे वरील कामगिरी सोपवली आणि काशिद पोलिसांच्या जाळ्यात अडकला. या कामगिरीबाबत पोलिस अधिक्षक अभिनव देशमुख, अप्पर पोलिस अधिक्षक मिलींद मोहिते, उपविभागिय पोलिस अधिकारी गणेश इंगळे आदींनी बारामती गुन्हे शोध पथकाचे अभिनंदन केल्याचे सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.