खडकवासला : चांदणी चौक आणि वेड भवन खिंड यांच्या मध्ये मिनीबसचा स्टेरिंग रोड तुटल्यामुळे शुक्रवारी सकाळी सात वाजण्याच्या सुमारास अपघात झाला आहे. या बसमध्ये एकूणनऊ जण नऊ व्यक्ती होत्या. सुदैवाने मोठा अपघात टळला आहे. यातील फक्त एका व्यक्तीच्या हाताला किरकोळ जखम झाली आहे.

या रस्त्याने जाणाऱ्या एक कार चालकाने हा अपघात पाहून अपघातग्रस्तांना मदत होण्याच्या दृष्टीने ही माहिती सकाळच्या प्रतिनिधीला दिली. पोलिसांना अन्य यंत्रणांना माहिती द्यावी. अशी त्यांनी विनंती केली. वारजे पोलिस ठाण्याचे पोलिस निरीक्षक सुनील जैतापूरकर व वारजे वाहतूक विभागाचे हवालदार राकेश कांबळे यांना याची माहिती दिली.

मुंबईला जाणाऱ्या मार्गिकेवर ही घटना झाली. सकाळची वेळ असल्याने मुंबई व हिंजवडीला जाणाऱ्यांची वाहन संख्या मोठी असते. परिणामी लगेच वाहनांच्या रांगा लागण्यास सुरवात झाली होती.

मिनी बस स्टेरिंग रोड चुकल्यामुळे चालकाचे बस मिनी बसवरील नियंत्रण सुटले आणि मिनीबस रस्त्यावर आडवी पडली आहे. परिणामी वाहतूक कोंडी होण्यास सुरुवात झाली आहे. वारजे वाहतूक विभागाचे कर्मचारी पोचले आहेत. वाहतूक सुरळीत करीत आहे.

वारजे पोलिस ठाण्याचे अधिकारी आणि कर्मचारी घटनास्थळी पोहोचले. त्यांनी परिस्थितीची पाहणी केली आणि नागरिकांची माहिती घेतली त्यावेळी बसमध्ये एकूण नऊ जण होते यातील एका व्यक्तीच्या हाताला जखम झाल्याची प्राथमिक माहिती मिळत आहे.