पुणे : शहरातील 'एमआरपी'पेक्षा दुपटीपेक्षा दराने सर्व प्रकारच्या मास्कची सर्रास विक्री होत असताना त्यावर नियंत्रण ठेवण्यात सरकारी यंत्रणा पूर्णतः अपयशी ठरल्याचे चित्र दिसत आहे. जिल्हाधिकारी कार्यालयात सुरू असलेल्या बैठकांना 'अन्न व औषध प्रशासन'मधील (एफडीए) अधिकारी उपस्थित राहावे लागत असल्याने वाट्टेल त्या भावाने मास्क विक्री करणाऱ्यांवर नियंत्रण ठेवणार तरी कोण, असा प्रश्‍न पडला आहे.

- आता बातम्या ऐकण्यासाठी डाऊनलोड करा ई-सकाळचे ऍप 

कात्रज, गोकुळनगर अशा उपनगरांमधील काही भागात एकेका मास्कची 900 रुपयांना विक्री होत असल्याची गंधवार्ता 'एफडीए'ला नाही. माध्यमातून या संदर्भातील बातम्या प्रसिद्ध झाल्यानंतर वरिष्ठ अधिकाऱ्यांमध्ये आपल्या कामाच्या हद्दीवरून टोलवा-टोलवी सुरू होते. त्यामुळे खरेदी किंमतीपेक्षा कित्येक पटींनी जास्त दरात विक्री करणाऱ्या औषध विक्रेत्यांवर कारवाई करणार कोण, हा प्रश्‍न या वादात अनुत्तरीतच राहात असल्याचे गुरुवारी स्पष्ट दिसले. 

- Coronavirus : देशात ५२, तर राज्यात 'या' ठिकाणी आहेत 'कोरोना टेस्ट लॅब'!

मास्कची अव्वाच्या सव्वा दराचे विक्री होत असल्याच्या अनेक तक्रारी थेट 'एफडीए'च्या मुंबईतील वरिष्ठ अधिकाऱ्यांपर्यंत पोचल्या आहेत. त्यावर नियंत्रण ठेवण्यासाठी डॉक्‍टरांच्या चिठ्ठीवर मास्कची विक्री करण्याचे परिपत्रक जाहीर केले आहे. मात्र, त्याची प्रत्यक्ष अंमलबजावणी होताना दिसत नाही. कारण, 'एफडीए'चे अधिकारी जिल्हाधिकाऱ्यांच्या बैठकीत व्यस्त असतात! 
'एन 95' प्रकारच्या मास्कची खरेदी किंमत 140 आणि त्यावर वस्तू व सेवा कर असे मिळून 147 रुपयांच्या दरम्यान खरेदी किंमत आहे. प्रत्यक्षात याची विक्री तीनशेपेक्षा जास्त रुपयांना होत असल्याचे दिसते. यावर नियंत्रण कधी आणि कोणती सरकारी यंत्रणा आणणार, याकडे आता पुणेकरांचे लक्ष आहे. 

- विषाणू घालवण्यासाठी जिल्हाधिकारी कार्यालयात गोवऱ्या-तुळशीचा धुपारा

'' प्रत्येक मास्कची खरेदी-विक्री बिलावर करावी. त्यातून मोठ्या प्रमाणात नफा मिळेल, असा प्रयत्न न करण्याच्या सूचना औषध विक्रेत्यांना करण्यात आल्या आहेत. ही सामाजिक सामाजिक बांधिलकी जपण्याची वेळ आहे. त्यामुळे मास्क, सॅनिटायजर योग्य किंमतीत विक्री करण्याचे आवाहनदेखील केले आहे,'' 
- अनिल बेलकर, सचिव, केमिस्ट असोसिएशन ऑफ पुणे डिस्ट्रिक्‍ट 

- मित्र, नातेवाईक विदेशात आहेत? कोरोनामुळं बदललेले व्हिसाचे नियम वाचा!