पुणे : पुणे, पिंपरी-चिंचवड शहर आणि ग्रामीण मिळून पुणे जिल्ह्यात गेल्या चोवीस तासांत दोन हजार ७२ नवे कोरोना रुग्ण सापडले आहेत. दरम्यान, कालच्या तुलनेत शहरातील दिवसभरातील रुग्णांच्या संख्येत जवळपास निम्म्याने घट झाली आहे. शुक्रवारी (ता.२५) पुणे शहरात ८९२ रुग्ण आढळून आले आहेत. काल हाच आकडा १ हजार ६६२ इतका होता. 

यामुळे जिल्ह्यातील शुक्रवारी अखेरपर्यंतच्या एकूण कोरोना रुग्णांची संख्या आता ६४ हजार ७४ झाली आहे. दरम्यान, शुक्रवारी दिवसभरात ५३ रुग्णांचा मृत्यू झाला आहे. यामुळे जिल्ह्यातील एकूण मृत्यूंची संख्या आता १ हजार ६१५ झाली आहे.

- Video : पुढील ७२ तासांत राज्यातील 'या' भागात होणार मुसळधार पाऊस!

गुरुवारी (ता.२३) रात्री नऊ वाजल्यापासून शुक्रवारी (ता.२४) रात्री नऊ वाजेपर्यंतच्या २४ तासांत नोंदल्या गेलेल्या एकूण रुग्णांमध्ये पुणे शहरातील ८९२, पिंपरी-चिंचवडमधील ८११, जिल्हा परिषद कार्यक्षेत्रातील २५५ आणि नगरपालिका व कॅंटोन्मेंट बोर्डातील मिळून ११४ नव्या रुग्णांचा समावेश आहे.

शुक्रवारी दिवसभरात मृत्यू पावलेल्यांमध्ये पुणे शहरातील सर्वाधिक ३३ रुग्णांचा समावेश आहे. याशिवाय पिंपरी चिंचवडमधील ११, जिल्ह्याच्या ग्रामीण भागातील चार, नगरपालिका आणि कॅंटोन्मेंट बोर्डातील मिळून पाच जणांचा समावेश आहे.

- पुणे झेडपीच्या सभापतींना कोरोनाची लागण; सभापतींची पूर्ण फॅमिलीच 'होम क्वॉरंटाइन!'

पिंपरी-चिंचवडमध्ये आज वाढ

दरम्यान, शुक्रवारी दिवसभरात नोंदल्या गेलेल्या नव्या रुग्णांच्या आकडेवारीनुसार पुणे शहरातील रुग्णांमध्ये मोठी घट झाली आहे. मात्र  पिंपरी-चिंचवडमधील रुग्णांमध्ये ४१२ ने वाढ झाली आहे.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)