पुणे : शहरात कोरोनाचा संसर्ग वाढल्यामुळे पुन्हा लागू केलेल्या लॉकडाऊनमध्ये संचार मनाई आदेश डावलणाऱ्या आणि मास्कचा वापर न करणाऱ्या तब्बल ४५० जणांवर पोलिसांनी कारवाई केली आहे. तसेच नागरिकांनी संचार मनाई आदेशाचे उल्लंघन केल्यास नागरिकांवर कडक कारवाई करण्याचा इशाराही पोलिसांनी दिला आहे.

- पालघर हत्याकांड प्रकरण: ‘सीआयडी’ने १२६ आरोपींविरुद्ध केलं दोषारोपपत्र दाखल!​

पोलिसांकडून दिवसा आणि रात्री अशा दोन टप्प्यांत शहराच्या वेगवेगळ्या भागात नाकाबंदी केली जात आहे. तसेच नियमांचे उल्लंघन करणाऱ्यांवर कारवाईचा बडगा उगारण्यास पोलिसांनी सुरुवात केली आहे. त्यानुसार, परवानगी न घेता संचार केल्याप्रकरणी २८८ जणांवर कारवाई केली आहेत, तर १८५ वाहने जप्त केली आहेत. मास्कचा वापर न करणाऱ्या ५८ जणांवर कारवाई केली आहे. शहरात सध्या नाकाबंदीच्या ठिकाणी २६१ पोलीस अधिकारी आणि १६२७ कर्मचारी तैनात आहेत.

- अति तिथं माती! पैशांच्या हव्यासापोटी सराईत गुन्हेगाराला गमवावा लागला जीव!​

"शहरात संचारबंदीचे आदेश लागू आहेत. याचा नागरिकांनी गांभीर्याने विचार करावा. नागरिकांनी आदेशाचे पालन करावे आणि विनाकारण घराबाहेर पडू नये."
- डॉ. रवींद्र शिसवे, पोलिस सहआयुक्त

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)