पुणे : पुणे शहर आणि जिल्ह्यात बुधवारी (ता.१४) दिवसभर पडत असलेल्या पावसामुळे आणि गुरुवारी (ता.१५) हवामान खात्याने वर्तविलेल्या मुसळधार पावसाच्या शक्यतेमुळे जिल्हाधिकारी डॉ. राजेश देशमुख यांनी 'माझे कुटूंब, माझी जबाबदारी' मोहिमेचे गुरुवारी केले जाणारे सर्वेक्षण स्थगित केले आहे.
जिल्ह्यातील सर्व खात्यातील अधिकारी आणि कर्मचाऱ्यांनी आपापल्या मुख्यालयात थांबण्याचा आणि अतिवृष्टीमुळे उद्भवणाऱ्या समस्यांबाबत सतर्क राहण्याचा आदेश दिला आहे.
गेल्या वर्षी २६ ते २८ सप्टेंबर या कालावधीत मुंबई, पुण्यात झालेल्या अतिवृष्टीमुळे अतोनात नुकसान झाले होते. अनेकांचा मृत्यूही झाला होता. त्याच पद्धतीचे वातावरण येत्या १७ ऑक्टोबरपर्यंत राहणार आहे. यामुळे राज्य सरकारने ऑरेंज अलर्ट घोषित केला आहे. या पार्श्वभूमीवर राज्याच्या महसूल विभागाने सर्व विभागीय आयुक्त आणि जिल्हाधिकाऱ्यांना बुधवारपासून सतर्क राहण्याचा आदेश दिला आहे.
पुणे जिल्ह्यात १५ सप्टेंबर ते ५ ऑक्टोबर या कालावधीत 'माझे कुटुंब, माझी जबाबदारी' या मोहिमेतील पहिल्या टप्प्यात कुटुंबांचे कोरोनाविषयक सर्वेक्षण करण्यात आले आहे. या मोहिमेचा दुसरा टप्पा १० ऑक्टोबरपासून सुरू करण्यात आला आहे.
- पुण्याच्या बातम्या वाचण्यासाठी येथे ► क्लिक करा
(Edited by : Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.