पुणे : सहकारी गृहनिर्माण सोसायटीमध्ये पाचपेक्षा अधिक कोरोना बाधित रुग्ण आढळल्यास ती सोसायटी सूक्ष्म प्रतिबंधित क्षेत्र जाहीर करण्यात येणार आहे. तसेच, त्या सोसायटीकडून नियमांचे पालन न झाल्यास दहा हजार रुपयांचा दंड ठोठावण्यात येणार आहे. कोरोनाचा प्रादुर्भाव रोखण्यासाठी गृहनिर्माण सोसायट्यांवर कटाक्षाने लक्ष ठेवण्यात येणार आहे. गृहनिर्माण सोसायटीत पाचपेक्षा अधिक कोरोना बाधित रुग्ण आढळून आल्यास सहायक आयुक्तांकडून ती सोसायटी सूक्ष्म प्रतिबंधित क्षेत्र (मायक्रो कंटेन्मेंट झोन) म्हणून जाहीर करण्यात येणार आहे.
या सोसायटीमध्ये तेथील रहिवाशांव्यतिरिक्त बाहेरील व्यक्तींना प्रवेश करण्यास प्रतिबंध राहील. याबाबत सोसायटीच्या प्रवेशद्वारावर फलक लावण्यात यावेत. सूक्ष्म प्रतिबंधित क्षेत्राशी संबंधित सर्व नियमांचे काटेकोर पालन करणे बंधनकारक राहील. नियमांचे उल्लंघन करणाऱ्या सोसायटीवर १० हजार रुपयांचा दंड ठोठावण्यात येईल. तसेच, वारंवार उल्लंघन झाल्यास कडक कारवाई करण्यात येणार आहे. तसेच, सोसायटीमध्ये येणाऱ्या कामगारांची आरटीपीसीआर चाचणी करण्यात यावी. केंद्र सरकारच्या मार्गदर्शक सूचनांनुसार लसीकरण करून घ्यावे, असे महापालिकेने जारी केलेल्या आदेशात नमूद करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.