Latest Alandi Update: अनाथ मुलांच्या निवासी संस्थेत देखरेख ठेवणार्‍या कर्मचार्‍याने बारा वर्षिय मुलावर अनैसर्गिक लैंगिक अत्याचार केला. ही घटना आळंदीतील एका संस्थेत शनिवारी(ता.१७) पहाटे पाचच्या दरम्यान घडली.

याप्रकरणी व्यंकटेश काशिनाथ माळनूर (वय ,रा.आळंदी देवाची) याच्यावर पोस्को अंतर्गत गुन्हा दाखल करून अटक केल्याची माहिती आळंदी पोलिसांनी दिली. याबाबत फिर्याद पिडित बारा वर्षिय विद्यार्थ्याने दिली आहे.

आळंदी देवाची येथिल पोलिसांनी दिलेल्या माहितीनुसार, आळंदी मध्ये अनाथ मुलांच्या निवासाची व्यवस्था राखणारी संस्था आहे.सोबत वारकरी विद्यार्थीही आहेत. त्या संस्थेत आरोपी व्यंकटेश हा देखरेख ठेवण्याचे काम करतो. तर पीडित मुलगा अनाथ आहे. मुळचा विद्यार्थी बाहेरच्या जील्ह्यातील असून तो आई नसल्याने अनाथ झाला होता. अनाथ असल्याने महिला बाल कल्याण समिती न्यायालयामार्फत त्याची त्या संस्थेत निवास व्यवस्था केली होती.

घटनास्थळावरील निवासी संस्थेत शनिवारी(ता.१७) पहाटे पाच वाजता आरोपी हा पीडित मुलाच्या खोलीत आला. त्याने मुलाला उठवले. टिव्ही रूम मध्ये नेले. तिथे मुलाला मोबाईल पाहायला देऊन त्याच्यावर अनैसर्गिक लैंगिक अत्याचार केले. पोलिसांनी आरोपीला अटक केली आहे. आळंदी पोलीस अधिक तपास करीत आहेत.याप्रकरणी पोलिस उपायुक्त शिवाजी पवार यांनीही घटनास्थळी भेट देवून पाहणी केली.

ज्या इमारतीत ही घटना घडली त्या इमारतीत शालेय शिक्षण देणारी संस्था, वारकरी विद्यार्थी आणि अनाथ मुलांची संस्था,ग्रंथालय अशा विविध संस्था एकाच इमारतीत आहेत. एक महाराजाच्या निगराणीत या संस्थाचा कारभार चालत आहे. यामुळे अशा घटनेनंतर तेथिल अन्य मुलांच्या सुरक्षेचा प्रश्न निर्माण झाला आहे. वारकरी विद्यार्थ्यांवर अशाच प्रकारे अनैसर्गिग कृत्याच्या यापुर्वी पाच घटना विविध वारकरी संस्थेत घडल्या होत्या. यातील पोस्को अंतर्गत सहा महिन्यापेक्षा अधिक काळ अटक असलेल्या एका महाराजाला अद्याप जामिन मिळाला नसल्याचे चित्र आहे.

अत्याचाराची घटना घडल्यावर पीडीत मुलगा ओळखीच्या एका महिलेकडे आळंदीतून बस गेला.त्यानंतर पुण्यातील डेक्कन पोलिसांकडे तक्रार करण्यासाठी गेले. डेक्कन पोलिसांनी आळंदी पोलिस ठाण्यासी संपर्क साधून घटनेची माहिती दिली.त्यानतर आळंदी पोलिस ठाण्यात गुन्हा दाखल केला.आणि आरोपीला अटक केली.