Vishrantwadi: परवानाधारक बंदुकीचा बेकायदेशीर वापर करून नागरिकांना धमकावल्याप्रकरणी दलित पँथरच्या पदाधिकार्यासह तिघांवर विश्रांतवाड़ी पोलिसांत गुन्हा दाखल झाला आहे.

दलित पँथरचे सुखदेव सोनवणे (रा. विमाननगर), सुरेश कोंडिबा काळे (३८, सिंहगड रोड), पंडित पांडुरंग साळवे (रा. विश्रांतवाड़ी)अशी गुन्हा दाखल झालेल्यांची नावे आहेत. याबाबत पोलीस हवालदार गणेश पारडे यांनी फिर्याद दिली आहे. हा प्रकार १२ ऑगस्ट रोजी विश्रांतवाडी येथे घडला.

पोलिसांनी दिलेल्या माहिती नुसार, सोनवणे हे १२ तारखेला विश्रांतवाड़ी येथील एसआरए प्रकल्पाच्या ठिकाणी खासगी बॉडीगार्ड काळेसमवेत. आले होते, बॉडीगार्ड काळे यांच्याकडे बारा बोअर बंदूक होती.

या वेळी आरोपींनी नागरिकांना धमकाविण्याचा प्रयत्न केला, याचा व्हिडिओ पोलिसांच्या निदर्शनास आल्यानंतर गुन्हा दाखल केला.पंडित साळवे याने लोकांना बंदुकीने गोळ््या घालण्याची धमकी दिली आहे. तपास वरिष्ठ पोलीस निरीक्षक कांचन जाधव यांच्यामार्गदर्शनाखाली पोलीस उपनिरीक्षक नितीन राठोड तपास करत आहेत.