पुणे : जिल्ह्यातील सर्वच धरणांच्या पाणलोट क्षेत्रात गेली तीन दिवस पावसाने हजेरी लावली. परंतु धरणांमधील पाणीसाठ्यात किंचित वाढ झाली आहे. खडकवासला धरणातून सध्या डाव्या आणि उजव्या कालव्याद्वारे पाण्याचा विसर्ग बंद आहे.

खडकवासला प्रकल्पातील टेमघर, वरसगाव, पानशेत आणि खडकवासला या चार धरणांमधून पुणे शहराला पाणीपुरवठा केला जातो. तसेच, जिल्ह्यातील काही तालुक्यांना सिंचनासाठी पाणीपुरवठा करण्यात येतो. भीमा खोऱ्यातील सर्व २६ धरणांच्या पाणलोट क्षेत्रात बुधवारी (ता. १) जोरदार पावसाने हजेरी लावली. गुरुवारी आणि शुक्रवारी दिवसभरात पाणलोट क्षेत्रात तुरळक पाऊस झाला. खडकवासला प्रकल्पामध्ये गुरुवारी (ता. २) सकाळपर्यंत २६.२६ अब्ज घनफूट (टीएमसी) पाणीसाठा होता. शुक्रवारी (ता. ३) सकाळी आठ वाजेपर्यंत २६.२२ टीएमसी इतका पाणीसाठा आहे. तर, गतवर्षी ३ डिसेंबरअखेर या प्रकल्पात २७.६८ टीएमसी पाणीसाठा होता. उजनी, कळमोडी आणि चासकमान या तीन धरणांत सध्या शंभर टक्के पाणीसाठा आहे.

प्रमुख धरणांमधील उपयुक्त पाणीसाठा टीएमसीमध्ये, कंसात टक्केवारी

टेमघर ३.५१ (९४.६१)

वरसगाव ११.३८ (८८.७८)

पानशेत १०.४६ (९८.२३)

खडकवासला ०.८७ (४३.८९)

नीरा देवधर ११.७० (९९.७८)

भाटघर २३.३३ (९९.२६)

वीर ७.४६ (७९.२९)

उजनी ५३.५७ (१००)

डिंभे ११.३७ (९१.०१)

कळमोडी १.५१ (१०० )

चासकमान ७.५७ (१००)

भामा आसखेड ६.८० (८८.७२)

पवना ७.४२ (८७.१५)