पुणे : महावितरण कंपनीने वीज ग्राहकांना भरमसाठ रक्कमेची विजेची देयके दिल्याच्या निषेधार्थ पुणे जिल्हा भाजपच्यावतीने गुरूवारी (ता.२) पुण्यातील रास्ता पेठेतील महावितरण कंपनीच्या कार्यालयासमोर आंदोलन करण्यात आले. यावेळी कंदील दाखवत विज देयकांची होळी करत महावितरण कंपधीचा निषेध करण्यात आला.

- धक्कादायक! बेरोजगारीचा टक्का वाढतोय; देशातील प्रत्येक पाचवा व्यक्ती आहे बेरोजगार!

राज्याचे माजी सहकारमंत्री आणि भाजप नेते हर्षवर्धन पाटील, माजी मंत्री बाळा भेगडे, भाजपचे पुणे जिल्हाध्यक्ष गणेश भेकडे यांच्या नेतृत्वाखाली हे आंदोलन करण्यात आले. यामध्ये दौंडचे आमदार राहुल कुल, खडकवासला विधानसभा मतदारसंघाचे आमदार भीमराव तापकीर आदींसह जिल्हाभरातून सुमारे १०० पदाधिकारी आणि कार्यकर्ते सहभागी झाले होते. 

- पीएमपी सुरू करण्याबाबत झाला महत्त्वाचा निर्णय; कधी सुरू होणार बससेवा?

राज्यात सध्या लॉकडाउन सुरू आहे. यामुळे अनेकांच्या हाताला काम नाही. सर्वसामान्य नागरिकांची आर्थिक स्थिती दोलायमान झालेली आहे. अशाही परिस्थितीत महावितरण कंपनीने अव्वाच्या सव्वा रकमेची विज देयके नागरिकांना दिली आहेत. नेहमीच्या तुलनेत दुप्पटीहून अधिक रकमेची बिले देण्यात आली आहेत, असा आरोप हर्षवर्धन पाटील, बाळा भेगडे, राहूल कूल, गणेश भेगडे यांनी यावेळी केला. ही वीज देयके तातडीने दुरुस्त करून देण्याची मागणीही यावेळी करण्यात आली. यावेळी महावितरणच्या मुख्य अभियंत्यांना निवेदन देण्यात आले.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा