नारायणगाव : येडगाव धरणाच्या पाणलोट क्षेत्रातील ओझर परिसरात सोमवार (ता.17) रोजी ढग फुटी सदृश्य पाऊस झाला. रात्री साडे अकरा पर्यत ९७ मिलिमीटर पाऊस झाला. या मुळे रात्री साडे अकरा नंतर येडगाव धरणाच्या पाणी पातळीत वाढ झाल्याने रात्री साडे अकरा वाजता धरणातून कुकडी नदी पत्रात साडेसात हजार क्युसेक्सने पाणी विसर्ग सुरू करण्यात आला आहे.

पिंपळगाव जोगा धरणाच्या मढ खोऱ्यामध्ये रात्री ९१ मिलिमीटर पाऊस झाला आहे. सर्वच धरणाच्या पाणी पातळीवर अधिकारी व कर्मचारी लक्ष ठेवून आहेत.अशी माहिती कार्यकारी अभियंता कुकडी पाटबंधारे विभाग प्रशांत कडुसकर यांनी दिली.आज सायंकाळी सहानंतर जुन्नर तालुक्यात मेघगर्जनेसह मुसळधार पाऊसाला सुरुवात झाली . रात्री साडे अकरा पर्यंत मुसळधार पाऊस सुरू होता. नारायणगाव परिसरात वीज पुरवठा खंडित झाला आहे .मागिल तीन दिवसा पासून तालुक्यात पाऊस सुरू असल्याने प्रामुख्याने नवीन फूट झालेल्या द्राक्ष बागांचे मोठया प्रमाणात नुकसान झाले आहे.