पुणे : लॉकडाऊन काळात घरातील अन्नधान्य संपले आहे. स्थलांतरित असल्याने जेवण मिळत नाही, अशा तब्बल एक हजार 165 तक्रारी अपर कामगार आयुक्त कार्यालयात आतापर्यत दाखल झाल्या आहेत. तक्रारींची गंभीर दखल घेत संबंधितांना पोटभर जेवण मिळेल सोय देखील त्वरित करण्यात आली आहे.

पुण्यातील "या' भागात १० दिवस असणार कडक बंद 
कोरोनाच्या पार्श्वभूमीवर पुकारण्यात आलेल्या लॉकडाऊनमुळे मजूर वर्गाची मोठी गैरसोय झाली आहे. त्यांच्या समस्या दूर करण्यासाठी प्रशासन आणि सामाजिक संस्था कार्यरत आहे. तर कामगार विभागाकडून मजुरांची सोय करण्यात येत आहे. 
आमच्याकडे आत्तापर्यत एकूण एक हजार 289 तक्रारी दाखल झाल्या आहेत. त्यातील काही तक्रारी या संघटित स्वरूपाच्या असून तक्रार करणारे एकूण 38 हजार 771 नागरिक आहेत.

पुण्याच्या इतर बातम्या वाचण्यासाठी येथे- क्लिक करा
तक्रार करणारे केवळ कामगारच नाही तर छोटे-मोठे व्यवसाय करणारे देखील आहेत. नाक्यावर वस्तू विकणाऱ्यांचा देखील यात समावेश आहे.   तक्रार आमच्याकडे येताच त्यांना जेवण आणि किराणा कसा मिळेल याबाबत त्वरित नियोजन करण्यात येते. संबंधितांच्या समस्या सोडवण्यात आले आहेत. या सर्वांना सरकारी यंत्रणा, सामाजिक, संस्था, बांधकाम व्यावसायिक आणि विविध कामगार संघटना यांच्या माध्यमांतून जेवण व राशन उपलब्ध करून देण्यात आले आहे, अशी माहिती  कामगार उप आयुक्त विकास पनवेलकर यांनी दिली. 

 पुणेकरांनो सावधान, या भागात वावरतोय बिबट्या
सामाजिक संस्था, कामगारांच्या संघटना, कामगारांच्या समस्या समजून घेण्यासाठी नियुक्त करण्यात आलेले अधिकारी यांच्यामार्फत या तक्रारी कामगार विभागाला मिळाल्या आहेत. 

कोरोनाच्या निदानासाठी होणार कृत्रीम बुद्धिमत्तेचा वापर, पण कसा? वाचा सविस्तर

आम्हाला गावी जायचे आहे : 
शहरात अडकून पडलेल्या कामगारांना गावी जाण्याची ओढ लागली आहे. त्यामुळे आमची गावी जाण्याची सोय करण्यात यावी, याबाबतच्या 55 तक्रारी आल्या होत्या. संबंधितांचे म्हणणे योग्य यंत्रणेकडे पाठवून त्यांची अडचण दूर करण्यात आली आहे, असे पनवेलकर यांनी सांगितले.