लोहगाव विमानतळावर गोंधळ घालून केंद्रीय औद्योगिक सुरक्षा दलातील महिला अधिकाऱ्याला धक्काबुक्की करीत अंगठ्याचा चावा घेणाऱ्या प्रवासी तरुणीला पोलिसांनी अटक केली आहे.
पुणे - लोहगाव विमानतळावर गोंधळ घालून केंद्रीय औद्योगिक सुरक्षा दलातील महिला अधिकाऱ्याला धक्काबुक्की करीत अंगठ्याचा चावा घेणाऱ्या प्रवासी तरुणीला पोलिसांनी अटक केली आहे. गुंजन राजेशकुमार अग्रवाल (वय २४, रा. हावडा, पश्चिम बंगाल) असे अटक करण्यात आलेल्या तरुणीचे नाव आहे. याबाबत केंद्रीय औद्योगिक सुरक्षा दलातील निरीक्षक रूपाली ठोके (वय ३९) यांनी विमानतळ पोलिस ठाण्यात तक्रार दिली आहे.
शनिवारी (ता.११) रात्री सव्वा बाराच्या सुमारास हा प्रकार घडला. पोलिसांनी दिलेल्या माहितीनुसार, गुंजन ही टॅक्सीने लोहगाव विमानतळ येथे आली होती. तिने टॅक्सीचे पैसे न दिल्याने चालकाने विमानतळ विभागाशी संपर्क केला.
यावेळी टर्मिनल मॅनेजर महिला तेथे आली. तिच्याशी गुंजन हिने वाद घातला. त्यादरम्यान तक्रारदार या विचारपूस करण्यासाठी गेल्यानंतर गुंजन हिने त्यांच्याशीही वाद घालत प्रवासी रांगेत गोंधळ घातला. यावेळी फिर्यादी ठोके आणि विमानतळ व्यवस्थापक लुल्ला यांच्याशी वाद घालून त्यांना धक्काबुक्की केली. त्यांच्या डाव्या हाताच्या अंगठ्याचा चावा घेतला. शासकीय कामात अडथळा आणल्या प्रकरणी गुंजनला अटक करण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.