पुणे- लोकसभेच्या चौथ्या टप्प्यातील मतदान आज पार पडले. राज्यात सुमारे ५३ टक्क्यांच्या जवळपास मतदान झाले आहे. शिरुर आणि पुण्यामधून मतदारांचा कमी प्रतिसाद पाहायला मिळाला आहे. त्यातच सामाजिक कार्यकर्ते विश्वंभर चौधरी यांना मतदानापासून वंचित राहण्याची वेळ आली आहे.
विश्वंभर चौधरी यांचे मतदार यादीत नावच नव्हते. त्यामुळे त्यांना मतदान करता आलेलं नाही. पुण्यात आज मतदान केंद्रावर लांबच लांब रांगा लागल्याचं पाहायला मिळालं. काही ठिकाणी मशीन बंद पडल्याच्या घटना पाहिला मिळाल्या. तसेच अनेकांचे नाव मतदार यादीत नव्हते. विश्वंभर चौधरी यांच्यासोबत असाच प्रकार घडला आहे.
मिळालेल्या माहितीनुसार, चौधरी यांचे नाव मतदार यादीतून गायब होते. त्यांनी दोन मतदान केंद्रावर जाऊन नाव तपासले, पण त्यांचे नाव कोठेही आढळले नाही. त्यामुळे चौधरी यांच्यावर मदतान न करता परतण्याची वेळ आली. चौधरी यांनी दिलेल्या माहितीनुसार, वर्षभरापूर्वी चौधरी यांचे नाव मतदार यादीमध्ये होतं. त्यामुळे मतदानाच्या दिवशीच त्याचे नाव यादीत का नव्हते, असा प्रश्न पडत आहे.
विश्वंभर चौधरी यांनी वकील असीम सरोदे, पत्रकार निखीळ वागळे यांच्यासोबत 'निर्भय बनो' च्या सभा राज्यभर घेतल्या. लोकशाहीसाठी आपला लढा सुरु असल्याचं त्यांचं म्हणणं होतं. निर्भय बनोच्या माध्यमातून हाच संदेश त्यांनी राज्यभर दिला होता. महायुतीच्या विरोधात त्यांनी राज्यात सभा घेतल्या होत्या. पण, त्यांना आपल्या मतदारसंघात मतदान करता न आल्याने निराश व्हावं लागलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.