पुणे : पुणे मुंबई द्रुतगती मार्गावर वाहनांच्या शिस्तीमध्ये वाढ झाली असून मागच्या एका महिन्यात (पुणे मुंबई एक्स्प्रेस वे वर) ओव्हर स्पिडींग, लेन कटिंग, सीट बेल्ट न लावता गाडी चालवणे अशा घटनांमध्ये वाढ झाली आहे. शिवसंग्राम संघटनेचे अध्यक्ष, माजी आमदार विनायक मेटे आणि टाटा समूहाचे माजी अध्यक्ष सायरस मिस्त्री यांचा अपघाती मृत्यू झाल्यानंतर पोलिसांचा वाहतूक विभाग अॅक्शन मोडवर आले असून त्यांनी बेशिस्तपणाची आकडेवारी जाहीर केली आहे.

(Pune Mumbai Express Way Latest Updates)

पुणे मुंबई एक्सप्रेस वेवर नागरिक बेभान होऊन गाड्या चालवत आहेत असं दिसून आलं असून सप्टेंबर महिन्यात ओव्हर स्पिडींग चे १६,००० चलन पोलिसांनी दाखल केले आहेत तर ५००० वाहनांनी लेन कटिंग केली, अशी माहिती हायवे पोलिसांनी दिली आहे. पुणे हद्दीत गेल्या महिन्यात ७९८ वाहनांवर लेन कटिंग केल्याप्रकरणी कारवाई करण्यात आली तर २७५ गाड्यांवर ओवर स्पिडींग तर ५५ गाड्यावर सीट बेल्ट न वापरता गाडी चालवण्यासंदर्भात कारवाई करण्यात आली आहे.

लेन कटिंग घटना (गेल्या १ महिन्यात)

• पुणे विभाग: ७९८

• मुंबई विभाग: ४२३४

ओव्हर स्पिडींग (गेल्या १ महिन्यात)

• पुणे विभाग: २७५

• मुंबई विभाग: १६,०१६

सीट बेल्ट न लावून वाहन चालवणे (गेल्या १ महिन्यात)

• पुणे विभाग: ५५

• मुंबई विभाग: १४९१