पुणे : ठरविले तर कोणीतही गोष्ट अशक्‍य नाही. मग आपत्ती असली, तरी त्याचे रूपांतर इष्टापतीत होऊ शकते. पुणे महापालिका आणि क्रेडाई या बांधकाम व्यावसायिक संघटनेने एकत्रित येत हे करून दाखविले. अवघ्या आठ दिवसात एक कोटी रूपये खर्च करून शिवाजीनगर येथील महापालिकेच्या दळवी हॉस्पिटलमध्ये अद्यायावत अतिदक्षता विभाग (आयसीयू) सुरू करण्यात आला. या अतिदक्षता विभागाच्या उभारणीसाठी आलेला सर्व खर्च क्रेडाई पुणे मेट्रोतर्फे करण्यात आला. 

ताज्या बातम्यांसाठी डाऊनलोड करा ई-सकाळचे ऍप

पुणे महापालिका आयुक्त शेखर गायकवाड, महापौर मुरलीधर मोहोळ, क्रेडाई पुणे मेट्रोचे अध्यक्ष सुहास मर्चंट यांच्या उपस्थितीत या अतिदक्षता विभागाचे हस्तांतरण करण्यात आले. पुणे महानगर पालिकेच्या सहाय्यक आरोग्य प्रमुख डॉ. अंजली साबणे, मुख्य शहर अभियंते प्रशांत वाघमारे, क्रेडाई पुणे मेट्रोचे पदाधिकारी तेजराज पाटील व आय. पी. इनामदार आदी यावेळी उपस्थित होते. 

Video : आठ बाय आठ फुटांच्या खोलीत, कसं पाळायचं डिस्टंसिंग?

या अतिदक्षता विभागात खाटा, व्हेंटिलेटर, डिफिलेटर, सक्‍शन मशीन, इसीजी मशीन इत्यादी अशा अद्ययावत उपकरणांचा समावेश असून सध्याच्या काळात कोविड 19 शी लढणा-या रुग्णांना यामुळे अद्ययावत सुविधा उपलब्ध होऊ शकणार आहेत. 
यासंदर्भात सुहास मर्चंट म्हणाले, " पंधरा दिवसांपूर्वी महापालिका आयुक्तांनी क्रेडाई पुणे मेट्रोला कोविड 19 च्या परिस्थितीत आरोग्य यंत्रणेच्या सक्षमीकरणासाठी दळवी रुग्णालयात अतिदक्षता विभाग उभारावा या संदर्भात आवाहन केले. त्यावेळी आम्ही पुढील आठ दिवसात महानगरपालिकेच्या रुग्णालयामध्ये अद्ययावत अतिदक्षता कक्ष उभारू असे आश्वासन दिले. आमच्या पदाधिका-यांनी निधी उपलब्ध करून देत आठ दिवसांच्या कालावधीत रुग्णांच्या सेवेसाठी हे आयसीयु युनिट तयार केले.' 

ठरलं : पुण्यात विद्यापीठ चौकातील उड्डाणपूल पाडणार

तर आयुक्त गायकवाड म्हणाले, "शहरातील शिवाजीनगर भागातील दळवी रुग्णालय हे महिलांच्या प्रसूतीसाठीचे या भागातील एकमेव रुग्णालय होते. या ठिकाणी आता या संकटाच्या काळात अद्ययावत अतिदक्षता विभाग सुरु झाल्याने या भागातील रुग्णांना दिलासा मिळणार आहे. विक्रमी वेळेत तयार झालेला हा अतिदक्षता विभाग महानगरपालिकेच्या इतिहासात नोंद करण्यासारखा टप्पा झाला आहे. महानगरपालिकेच्या वतीने मी क्रेडाई पुणे मेट्रोचे आभार मानतो.' यावेळी महापौर मुरली मोहोळ यांचे देखील भाषण झाले. 
"लिव्ह इन रिलेशनशिप'"मध्ये राहणाऱ्या जोडप्यात लॉकडाऊनमुळे उडाले खटके; मग...!