हडपसर : दुहेरी हत्याकांड, आंतरराज्य घरफोडी, जबरी चोरीच्या अनेक गुन्ह्यांत सामील असलेल्या एका अट्टल गुन्हेगारास वानवडी पोलिसांनी जेरबंद केले आहे. त्याच्याकडून धारदार शस्त्र व सोन्याचे दागीने जप्त करण्यात आले आहेत. आरोपीची रवानगी येरवडा कारागृहात करण्यात आली आहे.

सागरसिंग सुरजसिंग उर्फ फंटयासिंग अंधरलेले-बाबरी (वय २०, मुळ गाव रा. भिमनगर, जालना, सध्या रा. म्हाडा कॉलनी, हडपसर) असे आरोपीचे नाव आहे. तो हडपसर येथील म्हाडा कॉलनीतील जीतकर कर्तारसिंग कौर भोंड यांच्या घरात राहत होता. त्याला जळगाव जिल्हयातून तडीपार करण्यात आले होते.
बातमीदारामार्फत माहिती मिळाल्यानंतर पोलिस निरिक्षक सयाजी गवारे व अजय म्हेत्रे यांच्या मार्गदर्शनाखाली पोलिस पथकाने रामटेकडी येथील स्मशानभूमीजवळ सागरसिंग ह्याला धारदार शस्त्रासह ताब्यात घेतले. त्याच्यावर चाळीस गाव पोलिस ठाण्याच्या हद्दीतील दुहेरी हत्याकांड, तेलंगणा राज्यातील पिठलम पोलिस ठाण्याच्या हद्दीत जबरी चो-या, जालना जिल्ह्यात घरफोडीचे अनेक गुन्हे दाखल असून तो तडीपार आहे, अशी माहिती चौकशी दरम्यान पुढे आली आहे. वानवडी पोलिस ठाण्याच्या हद्दीतील घरफोडी त्याने केली असून त्यातील चार तोळे सोने पोलिसांनी जप्त केले आहे.

पोलिस तपास पथकातील रमेश भोसले, युवराज दुधाळ, सुदर्शन बोरवके, ज्ञानेश्र्वर दिरमकर, निसार खान, शिरीष गोसावी, कानिफनाथ कारखेले, कैलास माकर, प्रतीक लाहिगुडे, नासीर देशमुख, योगेश गायकवाड यांनी सापळा रचून त्याला अटक केली व त्याच्याकडील गुन्हयांची उकल केली. सागरसिंगला न्यायालयात हजर केले असता त्याची रवानगी येरवडा कारागृहात करण्यात आली आहे.

'ई सकाळ'वरील इतर महत्त्वाच्या बातम्या :

• दहशतवादाविरोधात एकत्र या: मोदी
• उघड्यावर शौच ही संस्कृती
• उसाचे पैसे थेट खात्यावर वर्ग करण्याबाबत साखर कारखा
• जेटली हे गुजरातवरील भार : सिन्हा 
• चाैपदरीकरणातील बेकायदा बांधकामांना लाखोंची भरपाई
• अपुऱ्या यंत्रणेमुळे खाकीही हतबल
• हार्दिक यांच्याशी संबंधित कथित व्हिडिओमुळे खळबळ
• शाळेचे मैदान की वाहनतळ? 
• दाऊदच्या मालमत्तांचा ११.५८ कोटींना लिलाव
• शंभरावर प्रकल्पांचा मार्ग केंद्राकडून मोकळा 
• नागरिकांचा हक्क आणि पालिकांची जबाबदारी