हडपसर - महात्मा गांधी यांच्या जयंतीनिमित्त सरकारकडून देशभर "स्वच्छता ही सेवा मोहिम' राबविण्यात आली. हडपसर-मुंढवा सहाय्यक आयुक्त कार्यालयाकडून या अभियानांतर्गत दहा वेगवेगळ्या ठिकाणी स्वच्छता मोहीम राबविण्यात आली. त्यामध्ये २३ टन ८५० किलो ओला - सुका कचरा गोळा झाला.

आमदार चेतन तुपे पाटील, उपायुक्त प्रसाद काटकर, सहाय्यक आयुक्त बाळासाहेब ढवळे पाटील, आरोग्य अधिकारी सचिन लडकत, संजय धनवट यांच्यासह त्या त्या भागातील माजी लोकप्रतिनिधी, विविध पक्ष संघटनेचे पदाधिकारी, कार्यकर्ते, विविध सामाजिक संस्था, संघटना, सार्वजनिक मंडळे, शाळा, महाविद्यालये, सामाजिक कार्यकर्ते व स्थानिक सामान्य नागरिक आदी सुमारे पंचवीस हजारजण या अभियानात सहभागी झाले होते.

आमदार चेतन तुपे पाटील, उपायुक्त प्रसाद काटकर, सहाय्यक आयुक्त बाळासाहेब ढवळे पाटील, आरोग्य अधिकारी सचिन लडकत, संजय धनवट यांच्यासह त्या त्या भागातील माजी लोकप्रतिनिधी, विविध पक्ष संघटनेचे पदाधिकारी, कार्यकर्ते, विविध सामाजिक संस्था, संघटना, सार्वजनिक मंडळे, शाळा, महाविद्यालये, सामाजिक कार्यकर्ते व स्थानिक सामान्य नागरिक आदी सुमारे पंचवीस हजारजण या अभियानात सहभागी झाले होते.

माळवाडी येथील ग. प्र. प्रधान नक्षत्र उद्यान, लक्ष्मी कॉलनी जवळील कालवा पूल, हिंगणे मळा कालवा घाट, ससाणे नगर डी मार्ट रस्ता, ज्योती चौक कोंढवा, कडनगर चौक, सोलापूर रोड कडबा कुट्टी लगत, शेवाळवाडी फाटा, पापडेवस्ती, आदर्श नगर अशा दहा ठिकाणी हे अभियान राबविण्यात आले. सर्व ठिकाणी मिळून सुमारे १५ टन सुका तर साडेसात टन ओला कचरा गोळा करण्यात आला. यावेळी सहभागी नागरिकांनी घोषणा देत स्वच्छतेबाबत प्रबोधन केले. तसेच स्वच्छतेची शपथही देण्यात आली.

"पंतप्रधानांनी केलेल्या सूचनेनुसार महात्मा गांधींच्या जयंतीनिमित्त स्वच्छता ही सेवा अभियानांतर्गत एक तास श्रमदान मोहिमेला हडपसर, कोंढवा, मुंढवा, मांजरी, फुरसुंगी, महंमदवाडी परिसरात चांगला प्रतिसाद मिळाला. या माध्यमातून नागरिकांमध्ये प्रभावीपणे स्वच्छतेबाबतचा चांगला संदेश गेला आहे.'

बाळासाहेब ढवळे पाटील

सहाय्यक आयुक्त, हडपसर-मुंढवा क्षेत्रीय कार्यालय