पुणे : राखी पौर्णिमेला (rakhi purnima) पीएमपीच्या (PMPML) उत्पन्नात दरवर्षी होणारी वाढ लक्षात घेऊन पीएमपीने पुणे (Pune) आणि पिंपरी चिंचवडमधील (pimpri chinchwad) प्रवाशांसाठी रविवारी जादा ३०० बस उपलब्ध करून देण्याचा निर्णय घेतला आहे.

दोन्ही शहरांत दरवर्षी राखी पौर्णिमेला मोठ्या संख्येने प्रवासी पीएमपीच्या बसने प्रवास करतो. त्यामुळे यंदाही पीएमपीने जादा ३०० बस सोडण्याचा निर्णय घेतला आहे. त्यामुळे एकूण १४२५ बसेसचा ताफा मार्गावर असेल. त्यासाठी वाहक, चालक, पर्यवेक्षकीय सेवक यांच्या साप्ताहिक सुट्टया रद्द करण्यात आल्या आहेत. तसेच महत्वाच्या स्थानकांवर बस संचलन नियंत्रणासाठी अधिकाऱ्यांच्या नेमणूका करण्यात आलेल्या आहेत.

२३ ऑगस्टलाही पीएमपीने जादा बसेसचे नियोजन केलेले आहे. तसेच महामंडळाकडील अधिकारी, लिपीक व इतर कर्मचारी यांची महत्वाच्या स्थानकांवर व थांब्यांवर प्रवाशांना मार्गदर्शन करणे कामी व वाहतूक नियंत्रण करण्यासाठी नेमणूक करण्यात आली आहे, असे आवाहन पीएमपी प्रशासनाने केले आहे.