पुणे : ऍट्रोसिटीचा गुन्हा दाखल करण्याची भीती दाखवत डॉक्टरकडून 75 लाख रुपयांची खंडणी उकळल्या प्रकरणातील आरोपी मनोज अडसूळ याच्याकडून 33 लाख 98 हजार रुपये जप्त करण्यात खंडणी व अंमली पदार्थ विरोधी पथकाला यश आले आहे.
या प्रकरणात डॉ. दीपक प्रभाकर रासने (वय 69, रा. पर्वती) यांनी फिर्याद दिली आहे. फिर्यादी यांचा मुलगा डॉ. साहिल यांच्याविरुद्ध एका महिलेने ऑक्टोबर 2019 रोजी विनयभंगाची तक्रार विश्रामबाग पोलिस ठाण्यात दाखल आहे. या प्रकरणात अडसूळ याने तुमच्या मुलावर बलात्कार, ऍट्रॉसिटी असे गंभीर गुन्हे दाखल होऊ शकतात, अशी भीती फिर्यादी यांना दाखवली. त्या आधारे फिर्यादींकडून 75 लाख रुपये खंडणी घेतली.
अडसूळ याने गुन्ह्यातील 54 लाख त्याच्या खात्यात जमा केल्यानंतर ते वेळोवेळी काढून घेतले. तर काही रक्कम इतर खातेदारांना विविध माध्यमातून पाठवले आहेत. त्यामुळे सहा जणांचे बॅंक खाती गोठविण्यात आली आहेत. त्या खात्यात 12 लाख 81 हजार रुपये शिल्लक आहेत. तर 21 लाख रुपयांची रोखीने विल्हेवाट लावल्याचे पोलिस तपासातून पुढे आले आहे.
पोलिस कोठडीची मुदत संपल्याने अडसूळ याला गुरुवारी न्यायालयात हजर करण्यात आले होते. अडसूळ आणि याच प्रकरणातील दुस-या गुन्ह्यातील आरोपी जयेश कासट यांनी फिर्यादी यांच्या मुलाला भेटून या प्रकरणाचा समझोता केला आहे. त्यांच्याच नेमकी काय चर्चा झाली? याचा आरोपीकडे तपास करायचा आहे, यासाठी त्याला पोलिस कोठडी देण्याची मागणी सरकारी वकील ऍड. विजयसिंह जाधव यांनी केली होती.
त्यानुसार प्रथमवर्ग न्यायदंडाधिकारी पी. एस. जोंधळे यांनी अडसुळची नऊ मार्चपर्यंत पोलिस कोठडीत रवानगी केली आहे. पोलिस उप निरीक्षक संजय जाधव या प्रकरणाचा तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.