पुणे : महिलांनो, मुलींनो एकटीने रात्री अपरात्री तुम्हाला प्रवास करणार आहात, तुमच्या सोबत कोणी असभ्य वर्तन केले, तुम्हाला प्रवासात असुरक्षितता वाटत असेल तर काळजी करु नका! फक्त 1091 क्रमांक डाईल करा, तुमच्या मदतील पुणे पोलिस तातडीने धावून येणार आहे. नोकरदार महिला, शाळा, महाविद्यालयांतील मुलींसाठी पुणे पोलिसांनी खास हेल्पालाईन नंबरची सुविधा सुरु केली आहे. संबधित महिला अथवा मुलीने तक्रार नोंदविल्यास त्वरीत मदत मिळणार आहे. अशी माहिती पोलिस आयुक्त अभिनव गुप्ता यांनी दिली आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

पुण्या सारख्या मेट्रो सिटीत कित्येक खासगी कंपन्या, शासकीय कार्यालये, शाळा- कॉलेज आहेत. याठिकाणी काम करणाऱ्या महिला, शाळा-कॉलेजमधील मुलींची संख्या देखील अधिक आहे. सध्या महिलांसोबत होणाऱ्या अत्याचाराच्या घटनांमुळे महिला - मुलींमध्ये असुरक्षिततेची भावना निर्माण झाली आहे. अशातच महिला-मुलींना बऱ्याचदा सायंकाळी घरी पोहचयाला उशीर होतो. कित्येकदा महिला आणि मुलींसोबत  असभ्य वर्तन केले जाते. अशा वेळी संबधित महिला- मुलींनी हेल्पलाईन क्रमांकवर संपर्क साधल्यास तातडीने मदत मिळणार आहे.  हेल्पलाईनची सुविधा खासगी, शासकीय कार्यालयातील नोकरदार महिला, विद्यार्थींना दिली जाणार आहे.

अवयवदानाची चळवळ "अनलॉक'च रुग्णांचे प्राण वाचविण्याबाबत वाढतेय जागृती 

इतकेच नव्हे तर गरज भासल्यास रात्री- अपरात्री संबधित पोलिस ठाण्यातील वाहनाने तक्रारदार महिला- मूलींना घरी सोडावे एखादी महिला रात्री कोणत्याही अॅप द्वारे  कार अथवा रिक्षातून प्रवास करणार असल्यास वाहनाचा नोंदणी क्रमांक नोंदविण्यात यावा. महिलांना सुरक्षितरित्या घरी पोहचविण्यासाठी पोलिसांनी प्रयत्न करावेत''अशा सुचना शहरातील सर्व पोलिस ठाण्यातील वरिष्ठ पोलिस निरीक्षकांना देण्यात आल्या आहेत.