Pune Bypoll Election : पुण्यातील पोटनिवडणूकीवरून सध्या राज्यातील राजकीय वातावरण चांगलचं तापल्याचं पाहायला मिळत आहे. कसबा पेठ आणि चिंचवड मतदार संघातील आमदारांचे निधन झाल्यानंतर ही पोटनिवडणूक जाहीर झाली आहे.

या पार्श्वभूमिवर कसबा पोटनिवडणुकीच्या पार्श्वभूमीवर पोलिस अँक्शन मोड मध्ये आले आहेत. पुणे शहरात कायदा व सुव्यवस्था राखण्यासाठी पुणे पोलीसांकडून मोहिम राबवण्यात आली.

पुणे पोलिसांकडून रेकॉर्ड वरील तीस हजार गुन्हेगारांची यादी तयार करण्यात आली आहे. तसेच शहरातील गुन्हेगारांचा बंदोबस्त करण्यासाठी पुणे पोलिसांकडून गुन्हेगारांची यादी तयार करण्यात आळी आहे.

तसेच आत्तापर्यंत पुणे पोलिसांकडून जवळपास दहा हजार गुन्हेगारांवर प्रतिबंधात्मक कारवाई कराण्यात आली आहे. पोलिसांनी मागील सात वर्षातील रेकॉर्डवरील गुन्हेगारांची यादी पुणे पोलिसांनी तयार केली आहे.

कोयता गँग सह छोट्या-मोठ्या अशा एकूण १० हजार ९७३ गुन्हेगारांवर पुणे पोलिसांनी प्रतिबंधात्मक कारवाई केली आहे. तर ७५ जणांवर पुणे पोलिसांकडून मोक्का लावण्यात आला आणि एकूण ४३ गुन्हेगारांना तडीपार केलं आहे. रात्री देखील पोलिसांकडून नाकाबंदी करत गाड्यांची तपासणी केली जात आहे.