पुणे : सोशल मीडियावर कोरोना रोगाबाबत चुकीची माहिती किंवा अफवा पसविण्याची उठाठेव काही जणांकडून सर्रासपणे केली जात आहे. आता मात्र अशा अफवा व चुकीची माहिती पसरविणाऱ्यांचा शोध घेऊन त्यांच्यावर कडक कारवाई केली जाणार आहे. त्यासाठी सायबर पोलिसांनी अशा व्यक्तींवर लक्ष केंद्रीत करण्यात आले आहे.
कोरोना व्हायसरच्या बाबतीत सोशल मिडीयावरून अनेक अफवा पसरविल्या जात आहेत. त्यामुळे समाजामध्ये वेगवेगळ्या प्रकारची चर्चा निर्माण होत आहे. परिणामी नागरीकांमध्ये भितीचे वातावरण निर्माण झाले आहे. व्हॉट्‌स ऍप, फेसबुकवर कोरोना संदर्भात अफवा पसरविणारे अनेक मेसेज कुठल्याही प्रकारची खातरजमा न करता फॉरवर्ड केले जात आहेत. याची पोलिसांकडून गांभीर्याने दखल घेण्यात आली आहे.
पुणे पोलिसांच्या सायबर सेलने अशा अफवा पसरविणाऱ्यांवर आता लक्ष केंद्रीत केले आहे. सोशल मिडीयावर अफवा पसरविताना आढळून आल्यास त्यांच्यावर कारवाई केली जाणार आहे. नागरिकांनी करोना संदर्भात अफवा पसरविणारे मेसेज खात्री न करता पुढे पाठवू नयेत. तसेच, कोणत्याही आफवांवर विश्वास ठेऊ नये. प्रशासनाकडून दिलेल्या सूचनांचा पालन करावे, असे आवाहन ही पोलिसांकडून करण्यात आले आहे.
'सोशल मिडीया लॅब'द्वारे पोलिसांची करडी नजर
पुणे पोलिसांच्या विशेष शाखेच्या अंतर्गत 'सोशल मिडीया लॅब' कार्यान्वित करण्यात आली आहे. या लॅबद्वारे अफवा पसरविणारे मेसेज आढळून आल्यास तत्काळ ते सोशल मिडीयावरून काढून टाकले जात आहे. सोशल मिडीयावर करडी नजर ठेवली जात असल्याची माहिती विशेष शाखेकडून देण्यात आली आहे.
''कोरोना रोगासंदर्भात चुकीची माहिती किंवा अफवा पसरविली जात असल्याचे निदर्शनास आले आहे. अशा व्यक्तींचा शोध घेऊन त्यांच्यावर कारवाई करण्यात येणार आहे.''
- संभाजी कदम, पोलिस उपायुक्त, आर्थिक व सायबर गुन्हे शाखा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.