पुणे : आठवडाभरापासून सुटीवर असलेल्या पावसाने अखेरीस सार्वजनिक सुटीच्या दिवशी शहर आणि जिल्ह्यात हजेरी लावली. रविवारी पहाटेपासूनच अनेक ठिकाणी पावसाच्या हलक्या सरी कोसळल्या, तर दिवसभर ढगाळ हवामान पाहायला मिळाले.
गौरी-गणपतीच्या पार्श्वभूमीवर शहरात आत नागरिकांनी खरेदीसाठी गर्दी केली होती. पण सकाळपासूनच रिमझीम पावसाने हजेरी लावल्याने अनेकांचे त्रेधातिरपीट उडाली. तसेच जिल्ह्याच्या पश्चिम भागात काही ठिकाणी मध्यम ते जोरदार पावसाने हजेरी लावल्याचे पाहायला मिळाले. सध्या पुण्यासह राज्यातच मॉन्सूनसाठी पोषक वातावरण आहे.
त्यामुळे दिवसभर सामान्यतः ढगाळ वातावरण आणि सकाळी किंवा संध्याकाळी तुरळक ठिकाणी हलक्या ते मध्यम स्वरूपाच्या पावसाची शक्यता हवामान खात्याने वर्तवली आहे. त्यामुळे गणेश स्थापनेला वरुणराजाची हजेरी लागण्याची दाट शक्यता आहे.
राज्यातील वातावरण
मध्य भारतातील कमी दाबाचे क्षेत्र पोषक ठरल्याने राज्यात तुरळक ठिकाणी हलक्या ते मध्यम सरी कोसळत आहेत. सोमवारी (ता. १८) कोकण, घाटमाथ्यावर तुरळक ठिकाणी जोरदार पावसाची शक्यता आहे.
तर उर्वरित राज्यात हलक्या पावसाचा अंदाज हवामान विभागाने वर्तविला आहे. मॉन्सूनचा आस असलेला कमी दाबाचा पट्टा जैसलमेर, कमी दाब क्षेत्राचे केंद्र, सागर, दाल्टोनगंज जमशेदपूर, दिघा ते ईशान्य बंगालच्या उपसागरापर्यंत कायम आहे. उत्तर अंदमान समुद्रात समुद्र सपाटीपासून ३.१ ते ५.८ किलोमीटर उंचीवर चक्राकार वारे वाहत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.