पुणे: पुण्यातील एका नामांकित शाळेत विद्यार्थिनीवर झालेल्या अत्याचाराच्या घटनेने शहरात खळबळ पसरली आहे. शहरातील एका नामांकित शाळेत अज्ञात माथेफिरूने १३ वर्षाच्या अल्पवयीन विद्यार्थिनीवर बलात्कार केला आहे. या घटनेमुळे नागरिकांतून तीव्र संताप व्यक्त केला जात आहे. या घटनेतील आरोपीचा शोध पोलिसांकडून घेतला जात होता. अखेर त्याला अटक करण्यात पुणे पोलिसांना यश आलं आहे.

अत्याचार करणारा नराधम हा 32 वर्षीय शाळेचा वॉचमन असल्याचं समजतंय. हा पीडित मुलीच्या वडिलांचा मित्र असल्याचंही समजत आहे. त्याचं नाव मंग्या असून जनवाडीतील दारू गुत्यावरून गुन्हे शाखा युनिट एकच्या पथकाने त्याला ताब्यात घेतले आहे, अशी प्राथमिक माहिती मिळत आहे. पीडीत मुलगी जिथे राहत होती तिथेच हा आरोपी राहायला होता. पोलिसांकडून संशयित आरोपीचे रेखाचित्र जारी करण्यात आलं होतं. ओळख असल्याचा बहाणा करून एका अज्ञात व्यक्तीने पीडित विद्यार्थिनीला ढकलत एका नामांकित शाळेतील बाथरूममध्ये नेऊन तिच्यावर बलात्कार केला आहे. या प्रकारानंतर या मुलीने आपल्या मैत्रिणीला हा सर्व प्रकार सांगितला. त्यानंतर त्यांनी शाळेतील शिक्षिकांच्या कानावर ही घटना घातली. मुलीच्या आईला व पोलिसांना बोलावून याची माहिती दिली. त्यानंतर या आरोपीच रेखा चित्र तयार करण्यात आलं होतं. अखेरिस या नराधमाला अटक करण्यात आली आहे.

घडलेली घटना अशी, पुण्यातील एका नामांकित शाळेत अज्ञात माथेफिरूने ११ वर्षाच्या शालेय विद्यार्थिनीवर अत्याचार केला आहे. त्यामुळे संपूर्ण शहर हादरलं आहे. या शालेय विद्यार्थिनीवर लैंगिक अत्याचार घडल्याची घटना बुधवारी घडली आहे. पीडित मुलीला ओळख असल्याचा बहाणा करून ढकलत शाळेतील बाथरूम नेत तिच्यावर अत्याचार केला आहे. या प्रकरणी संबंधित नराधमावर पुण्यातील शिवाजीनगर पोलिस ठाण्यात गुन्हा नोंद झाला आहे.

दरम्यान, या धक्कादायक घटनेनंतर पुन्हा एकदा महिला सुरक्षा हा मुद्दा ऐरणीवर आला आहे. पुण्यात महिला अत्याचारच्या घटनांमध्ये वाढ होताना दिसत आहे. ही चिंतेची बाब आहे. या घटनेसंदर्भात नागरिक संताप व्यक्त करत असून पोलिस पुढील तपास करत आहेत.