पुणे - कोरोना चाचण्यांमध्ये पुणे देशात आघाडीवर असून, चाचण्या वाढविल्यामुळे निदान होऊन रुग्णाला वेळेत उपचार मिळतात. रुग्ण बरे होण्याचे प्रमाण जिल्ह्यात समाधानकारक आहे, असे विभागीय आयुक्त सौरव राव यांनी सांगितले.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

येरवडा येथील साहित्यरत्न लोकशाहीर अण्णा भाऊ साठे सभागृहामध्ये भारतीय जैन संघटना आणि पुणे महापालिकेच्या वतीने सुरू करण्यात आलेल्या अँटीजेन चाचणी केंद्राची राव यांनी पाहणी केली. महापौर मुरलीधर मोहोळ, नगरसेवक अविनाश साळवे, भारतीय जैन संघटनेचे संस्थापक शांतिलाल मुथ्था, साहिल देव आदी या वेळी उपस्थित होते.

रिपोर्ट निगेटिव्ह मात्र, फोन येतो तुम्ही पॉझिटिव्ह !  

राव म्हणाले, ‘‘नैसर्गिक संकटात सामाजिक संस्थांच्या मदतीची आवश्‍यकता असते. भारतीय जैन संघटनेसारख्या अनेक सामाजिक संस्था कोरोना उपाययोजनांच्या कामात कार्यरत आहेत, ही महत्त्वपूर्ण बाब आहे. यामुळे नागरिकांची आरोग्य तपासणी गतीने होण्यास मदत झाली. कोरोनाचे वेळीच निदान झाल्याने मृत्युदर कमी करण्यास मदत झाली. कोरोनातून बऱ्या झालेल्या आणि प्लाझ्मादान पात्रतेचे निकष पूर्ण करत असलेल्या नागरिकांनी प्लाझ्मादानासाठी पुढे यावे. यासाठी सामाजिक संस्थांनी पुढाकार घ्यावा,’’ असे आवाहन त्यांनी केले.

मानाचे आणि मंडळांच्या गणरायांचेही यंदा मंडपातच विसर्जन 

कोरोनासारख्या आपत्तीच्या काळात सामाजिक संस्थांनी मदतीचे महत्त्वपूर्ण कार्य केले आहे. कोरोना चाचण्याही वाढविण्यात आल्या आहेत. निदान व उपचार वेळेत होतील, याकडे विशेष लक्ष दिले जात आहे. लवकरच पुणे शहर कोरोनामुक्त होईल. 
- मुरलीधर मोहोळ, महापौर

Edited By - Prashant Patil