पुणे - सावित्रीबाई फुले पुणे विद्यापीठाने फिनलॅंडच्या टुर्कू विद्यापीठाशी अध्यापन व संशोधन, विद्यार्थी व अध्यापक आदान-प्रदान, संयुक्त आंतरराष्ट्रीय प्रकल्प, कमी कालावधीचे प्रशिक्षण कार्यक्रम, तसेच अभ्यासक्रम विकसित करण्यासंबंधी सहकार्य करण्याचे ठरविले आहे. त्याबाबतच्या सहमतीपत्रावर दोन्ही विद्यापीठांकडून स्वाक्षऱ्या करण्यात आल्या.
फिनलॅंड हा देश आधुनिक शिक्षणपद्धतीसाठी जगप्रसिद्ध आहे. ते सुमारे शंभर वर्षे जुने विद्यापीठ आहे. टुर्कू हे फिनलॅंडमधील आघाडीचे विद्यापीठ असून, विविध विद्याशाखीय दर्जेदार संशोधनासाठी ओळखले जाते.
या विद्यापीठाच्या शिष्टमंडळाने गेल्या वर्षी पुणे विद्यापीठाला भेट दिली होती. त्या वेळी त्यांनी अध्यापन व संशोधन क्षेत्रात संयुक्त उपक्रम राबविण्याची इच्छा व्यक्त केली होती.
विद्यापीठ अनुदान आयोगाची (यूजीसी) शैक्षणिक व संशोधनातील भागीदारीला प्रोत्साहन देण्यासाठी ‘स्पार्क’ नावाची योजना आहे. त्याअंतर्गत सावित्रीबाई फुले पुणे विद्यापीठ आणि टुर्कू विद्यापीठात बायोसायन्सेस विषयात संशोधन सुरू आहे. याशिवाय, पुणे विद्यापीठाचे काही विद्यार्थी टुर्कू विद्यापीठात पीएच. डी. किंवा पीएच. डी.नंतरचे संशोधन करीत आहेत, असे विद्यापीठ प्रशासनाने सांगितले.
‘टुर्कू’च्या शिष्टमंडळाची भेट
टुर्कू विद्यापीठाचे व्हाइस-रेक्टर प्रा. काले-अन्ती सुओमिनेन यांच्या नेतृत्वाखालील शिष्टमंडळाने विद्यापीठाला भेट दिली. त्यात सहकार्याबाबत सहमती पत्रावर स्वाक्षऱ्या करण्यात आल्या. पुणे विद्यापीठाच्या वतीने कुलगुरू डॉ. नितीन करमळकर यांनी स्वाक्षरी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.