पुणे : सावित्रीबाई फुले पुणे विद्यापीठाने अंतिम वर्षाच्या परीक्षेचा निकाल उशिरा लावल्याने अद्याप अनेक विद्यार्थ्यांना मूळ गुणपत्रिका मिळालेल्या नाहीत. त्यामुळे पदवी प्रमाणपत्रासाठी अर्ज करण्याची अडचणी येत असल्याने 15 जानेवारीपर्यंत मुदतवाढ देण्यात आली आहे.

पुणे विद्यापीठाचा 118वा पदवी प्रदान समारंभ मार्च-एप्रिल 2021मध्ये होण्याची शक्‍यता आहे. त्यासाठी विद्यापीठाने पदवी व पदविका प्राप्त केलेल्या विद्यार्थ्यांना प्रमाणपत्र घेण्यासाठी ऑनलाइन अर्ज करण्याचे आवाहन केले आहे. अर्ज भरण्याची मुदत 31 डिसेंबरपर्यंत होती. तर विलंब शुल्कासह 15 जानेवारी 2021पर्यंत मुदत होती.

- SET परीक्षेला 45 टक्केच विद्यार्थ्यांनी लावली हजेरी​

विद्यापीठाने अंतिम वर्षाच्या विद्यार्थ्यांचे ऑनलाइन निकाल जाहीर केले आहेत, परंतु मूळ गुणपत्रिका महाविद्यालयातून उपलब्ध होते. पदवी प्रमाणपत्रासाठी ऑनलाइन गुणपत्रिका ग्राह्य धरली जाणार नाही, त्यासाठी गुणपत्रिकेची हार्डकॉपी स्कॅन करून अपलोड करणे आवश्‍यक आहे. विद्यापीठाने अंतिम वर्षाच्या परीक्षेचा निकाल जाहीर केला आहे, मात्र अद्याप अनेक विद्यार्थ्यांना महाविद्यालयांकडून गुणपत्रिका मिळालेली नसल्याने अर्ज भरता आलेला नाही.

- भाजपला अहंकार नडला; 6 वर्षात 19 मित्रपक्षांनी सोडली साथ!​

ही मुदत संपण्यासाठी तीन दिवसांचाच कालावधी शिल्ल्क राहिल्याने परीक्षा विभागाने आता नोंदणीसाठी 15 जानेवारीपर्यंत मुदत वाढवली आहे. तर विलंब शुल्क भरून नोंदणीसाठी 31 जानेवारीची मुदत आहे. दरम्यान, अर्ज भरण्यासाठी मुदतवाढ द्यावी, अशी मागणी युवक क्रांती दलाचे शहर उपाध्यक्ष कमलाकर शेटे यांनी केली होती. अर्ज करण्यासाठी विद्यार्थ्यांनी convocation.unipune.ac.in या संकेतस्थळास भेट द्यावी.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)