पुणे : रात्री थंडी आणि दिवसा उन्हाच्या कडाक्याचा सामना पुणेकरांना करावा लागत आहे. गेल्या काही दिवसांपासून शहरातील कमाल तापमानात लक्षणीय वाढ होत आहे. रविवारी (ता. २१) सरासरी कमाल तापमान २९.२ अंश सेल्सिअस नोंदले गेले होते. तर बुधवारी यात तब्बल पाच अंश सेल्सिअसने वाढ होत ते ३४.५ अंश सेल्सिअस झाले.

येत्या रविवार (ता. २८) पर्यंत हवामान कोरडे आणि तापमानात किंचितशी वाढ होण्याची शक्यता हवामान खात्याने वर्तवली आहे. आठवडाभरापूर्वीच राज्यासह शहरातही तुरळक ठिकाणी मेघगर्जनेसह पावसाने हजेरी लावली होती. या आठवड्यात मात्र हवामान कोरडे राहणार असल्याने दिवसा उन्हाचा कडाका वाढल्याचे दिसत आहे. तसेच वाढलेली थंडीही काही अंशी कमी झाल्याचे जाणवत आहे. कोकण, गोवा मध्यमहाराष्ट्रातही किमान तापमानात सरासरीच्या तुलनेत लक्षणीय वाढ झाली आहे. संपूर्ण राज्यातही बुधवारी हवामान कोरडे होते.

पूजा चव्हाण मृत्यू : दोघं कुठं गेले? घटनेनंतर दिली होती कबुली; चित्रा वाघ यांचा खुलासा 

पुणे शहरातील तापमान (अंश सेल्सिअस)
वार ः किमान ः कमाल
शनिवार ः ११.५ ः २८.५
रविवार ः १४.१ ः २९.२
सोमवार ः १५.१ ः ३१.२
मंगळवार ः १५.२ ः ३३.६
बुधवार ः १५.३ ः ३४.५

पूजा चव्हाण मृत्यू प्रकरण - पुणे पोलिसांची भूमिका संशयास्पद, तपास काढून घ्या