पुणे : मद्यपान केल्यानंतर मद्यपी व्यक्ती कोणाशी भांडेल, याचा काही नेम नाही. पुण्यात भरपूर मद्यपान केलेल्या एका तरुणाने थेट चौकामध्ये वाहतुकीचे नियमन करणाऱ्या पोलिसांशीच पंगा घेतला. एवढेच नाही, तर घरी जाण्यासाठी गाडी पकडून देण्यासाठी मागणी करुन त्याने पोलिसांना शिवीगाळ करीत धक्काबुक्की केली. अखेर पोलिसांनी त्याला उचलून पोलिस ठाण्यात नेऊन त्याच्याविरुद्ध गुन्हा दाखल केल्यानंतर त्याचे 'तारे जमीं पर' येण्यास सुरूवात झाली.

- इंडो-चायना संबंधावर शरद पवारांनी तज्ज्ञांशी केली चर्चा; राष्ट्रवादीच्या प्रमुख नेत्यांनी लावली हजेरी​

वानवडी वाहतूक विभागाचे पोलिस कर्मचारी रत्नदीप कदम हे त्यांच्या सहकाऱ्यांसमवेत बुधवारी रात्री आठ वाजता गोळीबार मैदान चौकात वाहतूक नियमन करीत होते. त्यावेळी प्रशांत धनराज ढवळे (वय 28, रा.सुदर्शननगर, पिंपळे गुरव) हा तेथून जात होता. त्यावेळी तो चौकात थांबलेल्या कदम यांच्याकडे आला. तो कदम यांना 'मला गाडी पकडून दे' असे म्हणाला. तेव्हा त्याने मास्क परिधान केले नसल्याने कदम यांनी त्यास तेथून जाण्यास सांगितले.

- रेल्वेरुळाभोवतीच्या झोपड्या तीन महिन्यांत हटवा; सर्वोच्च न्यायालयाचे आदेश​ 

मात्र भरपूर मद्यापन केल्याने ढवळे तेथून जाण्यास तयार नव्हता. याउलट त्याने कदम यांच्याशी हुज्जत घालीत त्यांना शिवीगाळ सुरू केली. हा प्रकार पाहून रस्त्याने ये-जा करणाऱ्या नागरीकांनी त्यास समजावण्याचा प्रयत्न केला. तर त्याने नागरीकांनाही शिवीगाळ, धक्काबुक्की करुन त्यांना मारहाण केली.

दरम्यान, पोलिस त्याला पोलिस ठाण्यात घेऊन जात असतानाही त्याने वाहतूक विभागाच्या अधिकारी आणि कर्मचाऱ्यांना अपशब्द वापरुन सरकारी कामात अडथळा आणला. अखेर पोलिसांनी त्यास पोलिस ठाण्यात नेऊन त्याच्याविरुद्ध गुन्हा दाखल केला. 

- पुण्याच्या बातम्या वाचण्यासाठी येथे क्लिक करा

(Edited by : Ashish N. Kadam)