सासवड (पुणे) : पुरंदर तालुक्यात कोरोनाबाधित एकुण 21 रुग्णांपैकी मुंबई कनेक्शनमधील 13 आणि पुणे कनेक्शनधून 7 रुग्ण सापडले आहेत. त्यामुळे या दोन्ही कनेक्शनमधील लोकांबाबत संस्थात्मक किंवा होम क्वारंटाइनबाबत गांभीर्यपूर्वक विचार करावा लागेल. 

झेडपीच्या शाळेत विद्यार्थ्यांनी प्रवेश घ्यावा म्हणून शिक्षक करतात असं काही

पुरंदर तालुक्यात कोरोनाचा पहिला रुग्ण जेजुरीत सापडला. तेव्हाच जे गांभीर्य होते, ते आता तालुक्यात नाही. गावचे रस्ते अडवून नवीन माणसाची चौकशी करणे, त्याची नोंद करणे, तालुका सीमा अडविणे व परवाना पाहणे, संस्थात्मक क्वारंटाइन किंवा होम क्वारंटाइन, शारीरिक अंतर राखणे, मास्क नीट लावणे, सॅनेटायझर वापरणे.. आदी बाबीवर 'लाॅकडाउन' शिथिलतेने दुर्लक्ष झाले आहे. 

पुण्याच्या इतर बातम्या वाचण्यासाठी येथे क्लिक करा

मुंबईतून सुरक्षेसाठी मूळगावी येणे आजही थांबलेले नाही. पुण्यात रोज नोकरी वा व्यवसायानिमित्त जा - ये करणारे तर कमी अंतराने खुप आहे. त्यांच्या परत येण्यानंतर त्यांनी होम क्वारंटाइनचा शहाणपणा दाखविणे गरजेचे आहे. काहीही काम नसताना हिंडणारे फार झाले आहेत. त्यामुळे रोज बाजारपेठ भरते. ग्रामीण नव्हे तर सासवड शहरातही कोरोना संसर्गाचे अपेक्षित गांभीर्य दिसत नाही. त्यातूनच संसर्ग वाढण्यास सुरवात झाली आहे.

पुण्यात आरटीओचे कामकाज पूर्ववत होणार

तालुक्यातील एकुण रुग्ण संख्या परवापर्यंत 18 होती; ती काल सकाळीच 21 वर पोचली. यातील 11 रुग्ण केवळ या एका आठवड्यात सापडले. म्हणजे संसर्गाचा वेग येथेही वाढला. ही चिंताजनक बाब प्रशासन व नागरिकांना शिस्त शिकविणारी नक्कीच आहे, असे जाणकारांकडून स्पष्ट झाले आहे.