Vidhan Sabha 2019 : पुणे : पुण्यातील मतदान करतानाचे व्हिडिओ व्हायरल झाल्यामुळे मतदार मतदान केंद्रावरील सुरक्षा व्यवस्थेविषयी प्रश्नचिन्ह निर्माण झाले. वडगाव शेरी मतदारसंघातील राष्ट्रवादी काँग्रेसचे उमेदवार सुनील टिंगरे आणि पिंपरी मतदारसंघातील राष्ट्रवादी काँग्रेसचे उमेदवार अण्णा बनसोडे यांना मतदान केल्याचे सध्या व्हिडीओ सोशल मीडियामध्ये व्हायरल होत आहे. 

मतदान करतानाचे व्हिडिओ व्हायरल होऊ नयेत यासाठी निवडणूक आयोगाने यापूर्वीच वेगवेगळ्या उपाययोजना केल्या आहेत. मतदान करताना मोबाईलजवळ बाळगण्यास बंदी घातली आहे. परंतु, असे असूनही ही काही अतिउत्साही कार्यकर्त्यांनी मोबाईलमध्ये  मतदान करतानाचे हे व्हिडिओ शूट केले आणि त्यानंतर सोशल मीडियावर व्हायरल केले आहेत. 

अनेक मतदान केंद्रांवर पोलिसांनीही मोबाईल बंदी घातली आहे परंतू काही अति उत्साही कार्यकर्ते पोलिसांची नजर चुकवून मोबाईल मतदान केंद्राच्या आत घेऊन जात आहेत. यातून या मोबाईल बंदीचा फारसा काही फायदा झाला नसल्याचे चित्र सध्या तरी दिसून येत आहे.