कोळवण (पुणे) : जोरदार पावसामुळे घोटावडे ( ता. मुळशी) येथील भेगडेवाडी येथे पावसाळी वाहिन्या तुंबल्याने अनेक घरांमध्ये पाणी शिरल्याने नागरिकांचे प्रचंड हाल झाले. पावसाळी वाहिन्या, नाल्यांची सफाई न झाल्याने ही परिस्थिती ओढावल्याचा आरोप नागरिकांकडून केला जात आहे.
पावसाळा सुरू झाल्यापासून गावांत ठिकठिकाणी पावसाळी वाहिन्या, नाले तुंबण्याच्या घटना घडत आहेत. डोंगरावरुन पावसाचा मोठा प्रवाह गावात वहात येतो. आधीच रस्त्याचे काँक्रिटीकरण करताना वाहिन्या टाकल्या गेल्या परंतु पाण्याच्या प्रवाहाच्या मानाने लहान पडत आहेत. त्यात डोंगरावरुन वाहत आलेले दगड, माती, मुरुम, कचरा अडकल्याने पाणी वाहून जात नाही. परिणामी हेच पाणी अनेक घरांत मोठ्या प्रमाणात पाणी शिरले. काही घरांमध्ये अक्षरशः गुडघ्याइतके पाणी भरले होते. त्यामुळे नागरिकांची मोठी तारांबळ उडाली. अनेकांना रात्रभर घरात घुसलेले पाणी उपसावे लागले. परिणामी परिसरात दुर्गंधी पसरली होती.
- पुण्याच्या बातम्या वाचण्यासाठी येथे ► क्लिक करा
रात्री जोरदार पाऊस झाल्यास पाणी घरामध्ये शिरते. यामुळे लहान मुले, नागरिक घाबरुन जातात. घराच्या चारही बाजूंना पाण्याने वेढलेले असते. संपूर्ण अन्नधान्य, घरगुती वस्तुंचे नुकसान झाले आहे. त्यामुळे या भागात वाहिन्या मोठ्या व्यासाच्या टाकून पावसाळी वाहिन्यांच्या स्वच्छतेची कामे त्वरीत करावी अशी मागणी भाजप नेते रामचंद्र देवकर, रोहिदास भेगडे, उत्तम भेगडे, आशा मारणे यांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.