पुणे : बदललेल्या ऋतू चक्राचा अनुभव सध्या पुणेकर घेताना दिसत आहेत. काही दिवसांपूर्वी कडाक्याच्या थंडीचा अनुभव घेतलेल्या पुणेकरांना गुरुवारी (ता.७) वरुणराजानंही दर्शन दिलं.

गेल्या काही दिवसांपासून शहर आणि उपनगरांत ढगाळ वातावरण दिसत होते. पाऊस येईल की नाही याची धाकधूक वाटत असतानाच गुरुवारी सायंकाळपासून शहर परिसरात पावसाच्या हलक्या सरी पडल्या. शहराच्या मध्यवर्ती ठिकाणी म्हणजे डेक्कन, नवी पेठ, बुधवार पेठ, कसबा पेठ या ठिकाणी पावसाने अचानक हजेरी लावल्यामुळे पुणेकरांची तारांबळ उडाली होती. तसेच बिबवेवाडी, नगर रस्ता भागातही पावसाच्या हलक्या सरी कोसळल्या. 

- पुणे : डम्परच्या धडकेत ज्येष्ठ महिलेचा मृत्यू; कोथरूड डेपोजवळची घटना​

दरम्यान, गुरुवारी आणि शुक्रवारी पाऊस होण्याची शक्यता हवामान विभागानं वर्तविली होती. राज्यावर द्रोणीय पट्टा निर्माण झाल्यानं पुढील दोन दिवस शहर आणि परिसरात पावसाची शक्यता हवामान विभागानं वर्तविली आहे. त्यामुळे पुणेकरांनी शुक्रवारी घराबाहेर पडताना छत्री आणि रेनकोट सोबत घेऊन बाहेर पडावे. 

- पुण्यातील इतर बातम्या वाचण्यासाठी क्लिक करा

(Edited by: Ashish N. Kadam)