वाघोली (पुणे) : राष्ट्रवादीचे कट्टर असलेले रामदास दाभाडे पाच वर्षांपूर्वी भाजपमध्ये गेले होते. यापूर्वी त्यांनी जिल्हा परिषद निवडणूक राष्ट्रवादी काँग्रेस पक्षातूनच लढविली होती. माजी आमदार विलास लांडे यांचे ते खंदेसमर्थक होते. आमदार विलास लांडे, रामदास दाभाडे, प्रदीप कंद हे त्रिकूट होते. या माध्यमातून त्यांनी भरपूर विकास कामे केली. वाघोली हा भाग शिरूर विधानसभा मतदार संघात नंतर जोडला गेला. राष्ट्रवादीबाबत नाराज झाल्याने दाभाडे यांनी भाजपची वाट धरली होती. मात्र, तेथे त्यांचे सूत जुळले नाही.
दरम्यानच्या काळात विधानसभेचे तिकीट नाकारल्याने प्रदीप कंद यांनीही राष्ट्रवादीला रामराम ठोकत भाजपची वाट धरली. दाभाडे हे जरी भाजपमध्ये होते तरी त्यांनी स्थानिक विकास कामासाठी पक्षभेद न करता सतत प्रयत्न केले. नागरिकांचे प्रश्न सोडविण्यासाठी ते झटत असतात. दाभाडे यांच्या प्रवेशाने आमदार अशोक पवार यांचीही ताकद पूर्व हवेलीत वाढणार आहे. उपमुख्यमंत्री अजित पवार यांनी त्यांचे स्वागत केले. या प्रसंगी आमदार अशोक पवार, जिल्हा अध्यक्ष प्रदीप गारटकर, माजी सरपंच शिवदास उबाळे उपस्थित होते. दाभाडे यांच्या प्रवेशानंतर अनेक कार्यकर्तेही पुन्हा राष्ट्रवादीत परततील हे नक्कीच.
दाभाडे यांच्या राष्ट्रवादीतील प्रवेशाने चांगला फायदा होईल. पक्षाची ताकद वाढविण्यासाठी ते पुन्हा नक्कीच काम करतील. अजून अनेक जण राष्ट्रवादीत येण्यास उत्सुक आहेत. येत्या काही दिवसात खूप बदल दिसून येतील.
- अशोक पवार, आमदार.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.