जेजुरी (पुणे) : जेजुरीतील खंडोबा मंदिरावर सकाळची सूर्याची कोवळी किरणे पडल्यानंतर मंदिराचा शिखराचा भाग सध्या सोनेरी दिसत आहे. त्यामुळे सोनेरी किरणांचा जणू खंडोबाला अभिषेकच सुरू असल्याचे दृश्य दिसत असते. मंदिराचे शिखर सोन्यासारखे झाल्याचा भास होत होता. 

मराठमोळ्या रीवाचा जागतिक गौरव

जेजुरीत नुकताच पाऊस पडून गेल्यामुळे आकाश स्वच्छ व प्रदूषण विरहीत आहे. सकाळच्यावेळी सूर्यकिरणे थेट मंदिराच्या शिखरावर प्रकाशमान होताना मंदिराचे सोनेरी दृश्य दिसत आहे. जणू खंडोबाला सोनेरी सुर्यकिरणांचा अभिषेकच सुरु आहे, असा भास होत असतो.  त्यातून भाविकांच्या ओठी आपोआप, देवा तुझी सोन्याची जेजुरी...अशा ओळी येतात.

कोरोनामुळे अनेक व्यवसाय अडचणीत, पण हा व्यवसाय तेजीत

जेजुरीचे खंडोबा मंदीर सध्या दर्शनासाठी बंद आहे. नुकताच पाऊस झाल्याने मंदिराभोवतालची गुलमोहराची झाडे लाल पिवळ्या फुलांनी बहरलेली आहेत. त्यातच सोनेरी किरणांनी मंदिराचे दर्शन विलोभनीय दिसत आहे. 

मंदिराचे बांधकाम १२ व्या शतकापूर्वी
महाराष्ट्राचे कुलदैवत असलेल्या जेजुरीचे खंडोबा मंदीर हे जयाद्री डोंगरात वसले आहे. समुद्र सपाटीपासून सुमारे ७९५ मीटर व जेजुरी शहरातून ५० मीटर उंचावर हे मंदीर आहे. जेजुरीत येताना कोणत्याही बाजूने पाहिले, तरी मंदीर दृष्टीस पडते. गडामधील मुख्य मंदिराच्या गाभा-याचे बांधकाम १२ व्या शतकाच्या पूर्वी झाल्याचे तेथील शिलालेखावरून समजते. मात्र, नक्की कधी झाले त्याची नोंद नाही. मंदिराभोवताच्या गडकोटाचे काम सोळाव्या शतकानंतर वेगवेगळया काळात झाल्याचे शिलालेखावरून दिसते.
 
मंदिराची रचना 
मंदिराच्या बांधकामाची काही खास वैशिष्टे आहेत. वर्षातून दोन वेळा सुर्यकिरणे थेट गाभा-यात येतात, अशी मंदिराची रचना आहे. तर, दररोज सुरवातीला शिखर, नंतर मंदिर सुर्यप्रकाशाने व्यापते. त्यांनतर गटकोटाच्या परिसरात सूर्य किरणे येतात, अशी रचना आहे. सध्या पाऊस पडून गेल्यामुळे व भाविकांची गर्दी नसल्याने मंदिर परिसरात प्रदुषण घटले आहे. वातावरण स्वच्छ असल्याने सकाळच्या सोनेरी उन्हात मंदीर सोन्यासारखे पिवळे दिसत आहे. एरवी भंडा-याने पिवळे दिसणारे मंदिर सध्या कोवळ्या उन्हात सोनेरी दिसत आहे.