सासवड (पुणे) : पुरंदर तालुक्यातील श्री क्षेत्र वीर गावात 20 मे रोजी आढळलेल्या कोरोना संसर्ग रुग्णाच्या थेट संपर्कातील नऊजणांचा आज कोरोना चाचणीचा अहवाल निगेटिव्ह आला आहे. त्यामुळे सील केलेल्या वीर व लगतच्या वाड्यावस्त्यांमधील चिंताग्रस्त गावकऱ्यांना दिलासा मिळाला आहे. तरीही सर्वच गावांमध्ये अनेक अनिवासी गावकरी आल्याने काळजी मिटलेली नाही.
वीर गावातील कोरोना पॉझिटिव्ह रुग्ण मुंबई कनेक्शनमधील आहे. हा रुग्ण मुंबई पोलिस दलात प्रशिक्षणार्थी होता. मुंबई च्या सांताक्रूझ येथील कलीना कॉलनीमधील तो रहिवासी असताना तिथे एक पोलिस पॉझिटिव्ह आढळला व काहींना त्रास सुरू झाल्यानंतर हा मूळचा वीरचा पोलिस घाबरून गावी आला व होम क्वारंटाइन असतानाच त्याची प्रकृती बिघडली. खासगी तपासणीत तो पॉझिटिव्ह आला. तेव्हापासून (ता. 20) तो पुण्यात सरकारी रुग्णालयात दाखल आहे. आज त्याच्या संपर्कातील व सासवड कोविड केअर सेंटरमध्ये विलगीकरणात असलेले तब्बल नऊजण निगेटिव्ह ठरले आहेत. त्यामुळे नागरिकांचा जीव भांड्यात पडला आहे.
याबाबत तहसीलदार रूपाली सरनौबत यांनी सांगितले की, पुरंदर तालुक्यात वीर, सुपे व कोडीत या तीन गावात कोरोनाचे रुग्ण आढळल्याने प्रतिबंधित क्षेत्र घोषित करण्यात आले आहे. संबंधित गावांपैकी वीर नऊ, सुपे खुर्द 17 व कोडीत बुद्रुकचे पाचजण, असे 31 जण विलगीकरणात कोविड केअर सेंटरला आहेत. बाकी विलगीकरणातील लोकांचेही पाठविण्यात येत आहेत. अहवाल प्राप्त होताच पुढील कार्यवाही करण्यात येईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.