सासवड (पुणे) : कोरोनाच्या पार्श्वभूमीवर पुंरदर तालुक्यात सध्या अफवांचे जोरदार पीक आले आहे. सासवड शहर बंद राहणार असल्याची अफवा पसरली होती. याबाबत तहसीलदार रूपाली सरनोबत यांनी सांगितले की, सासवड शहर बंद वा सील करणार नाही. त्यामुळे अफवांवर विश्वास ठेवू नका.

जय शिवराय : राजगडावरील दुरुस्तीचे काम सुरू, पुरातत्व विभागाने घेतली दखल 

कोविड विषाणूचा प्रसार होऊ नये म्हणून पुरंदर तालुक्यात प्रशासनामार्फत विविध उपाययोजना करण्यात आलेले आहेत. तसेच, तालुक्यात एकूण 26 कोरोनाग्रस्त रुग्ण आढळून आलेले असून, त्यापैकी तीन रुग्णांचा मृत्यू झाला आहे. तसेच, 9 रुग्णांना घरी सोडण्यात आलेले आहेत. उर्वरित 14 कोरोनाग्रस्त रुग्ण हे पुण्यात हॉस्पिटलमध्ये उपचार घेत आहेत.

सलग सोळाव्या दिवशीही इंधन दरवाढीचे मीटर सुसाट

फिजीकल डिस्टंन्सिंगचा फज्जा 
पुरंदर तालुक्यात कोरोना परसरत असताना तालुक्याच्या मुख्य ठिकाणी म्हणजेच सासवड शहरातील बाजारपेठेत मात्र फिजीकल डिस्टंन्सिंगचा फज्जा उडत आहे. भाजी बाजारात तर गर्दीवर नियंत्रणच राहत नाही. पुणे शहर सासवडला जवळ असल्याने धोका उंबरठ्यावर नव्हे, तर घरात आला आहे. त्यामुळे ठराविक दिवसांनी जनता कर्फ्यु न पाळल्यास परिस्थिती हातभार जाण्याची चिन्हे आहेत.

पुण्याच्या इतर बातम्या वाचण्यासाठी येथे क्लिक करा  

सासवडला आज आठवडे बाजार होता. त्यामुळे गर्दी होती. पण, रोजच बाजारपेठ भरभरून वाहत असते. बहुतांश दुकानात फिजीकल डिस्टंन्सिंग पाळली जात नाही. सॅनेटायझर तर अभावाने दुकानदार वापरतात. कित्येकजण मास्क नीट वापरत नाहीत. त्यातून शहरात कोरोना संसर्गाचा धोका निर्माण झाला आहे. हा धोका बाजारपेठेतील गर्दी आणि मुंबई व पुणे कनेक्शनमधून वाढत आहे. त्यासाठी पुन्हा नव्याने प्रशासन व लोकप्रतिनिधींकडून लोकसहभाग घेऊन नियोजन करणे गरजेचे आहे.